ಹರ್ಪಿಂಗ್, ನೈಟ್ ಟ್ರಾವೆಲ್ಸ್‌ಗಿಲ್ಲ ಅರಣ್ಯಕ್ಕೆ ಎಂಟ್ರಿ!

ಪಶ್ಚಿಮಟ್ಟ ಹಾಗೂ ಆಗುಂಬೆಯಲ್ಲಿ ರಾತ್ರಿ ಹೊತ್ತಿನಲ್ಲಿ ಅಕ್ರಮವಾಗಿ ಕಾಡಿನಲ್ಲಿ ಸುತ್ತಾಡುವ ಜಾಹೀರಾತು ಪ್ರದರ್ಶಿಸಿ ಬೆಂಗಳೂರಿನ ಜನರನ್ನು ಆಕರ್ಷಿಸುತ್ತಿದ್ದ ತಂಡಗಳಿಗೆ ಅರಣ್ಯ ಇಲಾಖೆ ಅರಣ್ಯದೊಳಗೆ ಅಕ್ರಮ ಪ್ರವೇಶ ನಿಷೇಧಿಸಿ ಎಚ್ಚರಿಕೆ ಬ್ಯಾನರ್ ಅಳವಡಿಸಿದೆ.

ಮಲೆನಾಡಿನಲ್ಲಿ ವಾನ್ಸೂನ್ ವಾರಾಂತ್ಯಗಳಲ್ಲಿ ಹಪಿರ್ಂಗ್, ನೈಟ್ ಟ್ರಾವೆಲ್ಸ್, ಫ್ರಾಗ್ ವಾಕ್, ಫೋಟೋಗ್ರಾಫಿ ಮೊದಲಾದ ಅನಧಿಕೃತ ಶಿಬಿರಗಳನ್ನು ಹೆಬ್ರಿ ತಾಲೂಕಿನ ಸೋಮೇಶ್ವರ ವನ್ಯಜೀವಿ ವಲಯಗಳಲ್ಲಿ ಹೋಂ ಸ್ಟೇ ರೆಸಾರ್ಟ್‌ಗಳಲ್ಲಿ ಆಯೋಜಿಸಿ ವನ್ಯಜೀವಿಗಳ ಸ್ವಚ್ಛಂದ ಬದುಕಿಗೆ ಅಡ್ಡಿಪಡಿಸುತ್ತಿರುವ ಬಗ್ಗೆ ವಿಜಯವಾಣಿ ವಿಸ್ತೃತ ವರದಿ ಪ್ರಕಟಿಸಿತ್ತು. ಇದರ ಬೆನ್ನಲ್ಲೇ ಅರಣ್ಯ ಇಲಾಖೆ ಬ್ಯಾನರ್ ಅಳವಡಿಸುವ ಮೂಲಕ ಅರಣ್ಯದೊಳಗೆ ಅಕ್ರಮವಾಗಿ ಪ್ರವೇಶಿಸುವ ತಂಡಗಳಿಗೆ ಕಾನೂನು ಕ್ರಮದ ಎಚ್ಚರಿಕೆ ನೀಡಿದೆ.

ಮಳೆ ನಡಿಗೆಗೆ ಬ್ರೇಕ್: ಆಗಸ್ಟ್ 1ರಂದು ಹೆಬ್ರಿ ತಾಲೂಕಿನ ಕಬ್ಬಿನಾಲೆಯಲ್ಲಿ ಜರುಗಬೇಕಾಗಿದ್ದ ಮಳೆ ನಡಿಗೆ ‘ರೇನಥಾನ್’ ಕಾರ್ಯಕ್ರಮಕ್ಕೆ ಅರಣ್ಯ ಇಲಾಖೆ ಅನುಮತಿ ನಿರಾಕರಿಸಿದೆ. ದಟ್ಟ ಮಳೆಕಾಡು, ಜಲಪಾತ, ಹೊಳೆಗಳು ಹಾಗೂ ಅಪರೂಪದ ಜೀವವೈವಿಧ್ಯ ಹೊಂದಿರುವ ಈ ಪ್ರದೇಶದಲ್ಲಿ ಪ್ಲಾಸ್ಟಿಕ್ ತ್ಯಾಜ್ಯ, ವಾಹನಗಳ ಗದ್ದಲ, ವನ್ಯಜೀವಿಗಳಿಗೆ ತೊಂದರೆ, ಪರಿಸರ ವಾಲಿನ್ಯ ಹೆಚ್ಚುವ ಅಪಾಯವಿದೆ ಎಂದು ಪರಿಸರ ಆಸಕ್ತರ ವಿರೋಧವನ್ನು ಪರಿಣಿಸಿ ಕ್ರಮಕೈಗೊಂಡಿದೆ.

ಸೋಮೇಶ್ವರ ವನ್ಯಜೀವಿ ಅರಣ್ಯ ವಲಯದ ವತಿಯಿಂದ ನಡೆಯುತ್ತಿರುವ ಅರಣ್ಯ ಜಾಗೃತಿ ರಾಜ್ಯವ್ಯಾಪಿ ನಡೆಯಬೇಕು. ಅರಣ್ಯದ ಒಳಗೆ ನಡೆಯುವ ಎಲ್ಲ ಅನಧಿಕೃತ ಚಟುವಟಿಕೆಗಳನ್ನು ನಿಲ್ಲಿಸಲು ಇಲಾಖೆ ಕೆಲಸ ವಾಡಬೇಕು ಎಂದು ಪರಿಸರವಾದಿಗಳಿಂದ ಆಗ್ರಹ ಕೇಳಿ ಬಂದಿದೆ.

ಸೋಮೇಶ್ವರ ವನ್ಯಜೀವಿ ಧಾಮದಲ್ಲಿ ಹಫಿರ್ಂಗ್ ನಿಷೇಧ ಸ್ವಾಗತಾರ್ಹ ಕ್ರಮ. ಈ ನಿಷೇಧವನ್ನು ಉಳಿದ ಅರಣ್ಯಗಳು ಮತ್ತು ಖಾಸಗಿ ಜಾಗಕ್ಕೂ ಅರಣ್ಯ ಇಲಾಖೆ ವಿಸ್ತರಿಸಬೇಕು. ಸಂಶೋಧನಾ ಕೇಂದ್ರ, ರೆಸಾರ್ಟ್, ಹೋಂಸ್ಟೇ ಇತ್ಯಾದಿ ಖಾಸಗಿ ಜಮೀನುಗಳಲ್ಲಿ ಇರಬಹುದು. ಆದರೆ ಅಲ್ಲಿರುವ ಕಪ್ಪೆ, ಜೇಡ, ಹಾವು ಇತ್ಯಾದಿ ವನ್ಯಜೀವಿಗಳನ್ನು ಬಂಧನದಿಂದ ಬಿಡುಗಡೆಗೊಳಿಸುವ ನಿಟ್ಟಿನಲ್ಲಿಯೂ ಅರಣ್ಯ ಇಲಾಖೆ ಕಾರ್ಯಾಚರಣೆ ನಡೆಸಬೇಕಿದೆ.

— ನಾಗರಾಜ ಕೂವೆ ಪರಿಸರ ಪ್ರೇಮಿ