ಗುತ್ತಿಗೆದಾರ ಕಾಮಗಾರಿ ಆರಂಭಿಸಿ ಮುಖ್ಯ ರಸ್ತೆ ಬಳಿ 72 ಮೀಟರ್ವರೆಗೆ ಬೆಡ್ ಹಾಕಿದ್ದು ಬಳಿಕ ಮಧ್ಯ ಭಾಗದಲ್ಲಿ ನಾಲ್ಕು ಮನೆಗಳಿರುವ 36 ಮೀಟರ್ನಷ್ಟು ಬಿಟ್ಟು ನಂತರದ ಭಾಗದಲ್ಲಿ 23 ಮೀಟರ್ ರಸ್ತೆ ಕಾಮಗಾರಿ ನಡೆಸಲು ಮುಂದಾಗಿದ್ದಾರೆ. ಇದರಿಂದ ಆಕ್ರೋಶಗೊಂಡ ಸ್ಥಳೀಯರು ಕಾಮಗಾರಿಯಲ್ಲಿ ರಾಜಕೀಯ ಮಾಡಲಾಗುತ್ತಿದೆ ಎಂದು ಅಧ್ಯಕ್ಷರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಅಧ್ಯಕ್ಷರು, ಸ್ಥಳೀಯರ ನಡುವೆ ಮಾತಿನ ಚಕಮಕಿ ನಡೆದ ಹಿನ್ನೆಲೆಯಲ್ಲಿ ಬೆಡ್ ಹಾಕಿದ ಸ್ಥಿತಿಯಲ್ಲೇ ಕಾಮಗಾರಿ ನಿಲ್ಲಿಸಲಾಗಿದೆ. ಸದ್ಯ ಮಳೆಗಾಲ ಯಾವ ಸಂದರ್ಭದಲ್ಲೂ ಆರಂಭಗೊಳ್ಳುವ ಸೂಚನೆ ಇದೆ. ರಸ್ತೆ ಕಾಮಗಾರಿ ನಡೆಯುವ ಬಗ್ಗೆ ಅನುಮಾನ ವ್ಯಕ್ತವಾಗಿದೆ. ಇದರಿಂದ ಈ ಬಾರಿಯ ಮಳೆಗಾಲದಲ್ಲಿ ವಾಹನ ಸಂಚಾರಕ್ಕೆ ತೊಂದರೆಯಾಗಲಿದೆ ಎನ್ನುವ ಆತಂಕ ಸ್ಥಳೀಯರದ್ದು.
