ಬೆಂಗಳೂರಿಗೆ ಸರ್ಕಾರಿ ಸಾರಿಗೆ ಪ್ರಯಾಣ ದರ ಕಡಿತ

ಉಡುಪಿ: ಕ.ರಾ.ರ.ಸಾ. ನಿಗಮದ ಮಂಗಳೂರು ವಿಭಾಗದಿಂದ ಕುಂದಾಪುರ, ಉಡುಪಿ ಹಾಗೂ ಮಂಗಳೂರಿನಿಂದ ಬೆಂಗಳೂರಿಗೆ ತೆರಳುವ ವಿವಿಧ ಮಾದರಿಯ ವಿಶೇಷ ಬಸ್​ಗಳಲ್ಲಿ ಪ್ರಯಾಣಿಕರ ಅನುಕೂಲಕ್ಕಾಗಿ ಜ.5ರಿಂದಲೇ ಅನ್ವಯಿಸಿ ಶೇ.10ರಿಂದ 15ರ ವರೆಗೆ ಟಿಕೆಟ್​ ದರದಲ್ಲಿ ಕಡಿತ ಮಾಡಲಾಗಿದೆ.

ಕುಂದಾಪುರದಿಂದ ಬೆಂಗಳೂರಿಗೆ ಅಂಬಾರಿ ಬಸ್​ಗೆ 1,510 ರೂ., ಡ್ರೀಮ್​ ಕ್ಲಾಸ್​ ಬಸ್​ 1,350 ರೂ., ಮಲ್ಟಿ ಆಕ್ಸಿಲ್​ 2.0 ಬಸ್​ 1,310 ರೂ., ಮಲ್ಟಿ ಆಕ್ಸಿಲ್​ 1,110 ರೂ., ನಾನ್​ ಎಸಿ ಸ್ಲೀಪರ್​ 1,050 ರೂ., ಪಲ್ಲಕ್ಕಿ ನಾನ್​ ಎಸಿ ಸ್ಲೀಪರ್​ 1,100 ರೂ. ಹಾಗೂ ರಾಜಹಂಸ 750 ರೂ.

ಉಡುಪಿಯಿಂದ ಬೆಂಗಳೂರಿಗೆ ಅಂಬಾರಿ ಬಸ್​ಗೆ 1,460 ರೂ., ಡ್ರೀಮ್​ ಕ್ಲಾಸ್​ 1,300 ರೂ., ಮಲ್ಟಿ ಆಕ್ಸಿಲ್​ 2.0 ಬಸ್​ 1,250 ರೂ., ಮಲ್ಟಿ ಆಕ್ಸಿಲ್​ 1,060 ರೂ., ನಾನ್​ ಎಸಿ ಸ್ಲೀಪರ್​ 1,000 ರೂ., ಪಲ್ಲಕ್ಕಿ ನಾನ್​ ಎಸಿ ಸ್ಲೀಪರ್​ 1,060 ರೂ. ಹಾಗೂ ರಾಜಹಂಸ 700 ರೂ.

ಮಂಗಳೂರಿನಿಂದ ಬೆಂಗಳೂರಿಗೆ ಅಂಬಾರಿ ಬಸ್​ಗೆ 1,350 ರೂ., ಡ್ರೀಮ್​ ಕ್ಲಾಸ್​ 1,200 ರೂ., ಮಲ್ಟಿ ಆಕ್ಸಿಲ್​ 2.0 ಬಸ್​ 1,150 ರೂ., ಮಲ್ಟಿ ಆಕ್ಸಿಲ್​ 1,000 ರೂ., ನಾನ್​ ಎಸಿ ಸ್ಲೀಪರ್​ 900 ರೂ., ಪಲ್ಲಕ್ಕಿ ನಾನ್​ ಎಸಿ ಸ್ಲೀಪರ್​ 950 ರೂ. ಹಾಗೂ ರಾಜಹಂಸ 650 ರೂ. ದರ ನಿಗದಿಸಲಾಗಿದೆ. ಬೆಂಗಳೂರಿನಿಂದ ಕುಂದಾಪುರ, ಉಡುಪಿ ಹಾಗೂ ಮಂಗಳೂರಿಗೆ ಮರಳಿ ಬರುವಾಗಲೂ ಸಹ ಅದೇ ದರ ಇರಲಿದೆ ಎಂದು ಮಂಗಳೂರು ಕ.ರಾ.ರ.ಸಾ. ನಿಗಮದ ಹಿರಿಯ ವಿಭಾಗೀಯ ನಿಯಂತ್ರಣಾಧಿಕಾರಿಗಳ ಕಚೇರಿಯ ಪ್ರಕಟಣೆ ತಿಳಿಸಿದೆ.