ಉಡುಪಿ: ಇಂದ್ರಾಳಿಯ ಮೇಲ್ಭಾಗದಲ್ಲಿರುವ ದೇವಿಯ ಸನ್ನಿಧಿ, ಕೆಳಭಾಗದ ಇಂದ್ರಾಣಿಯಲ್ಲಿರುವ ಬಲಿಷ್ಠನಾದ ಹನುಮನ ಸನ್ನಿಧಿಯು ಸ್ವಭಾವತ; ಭಕ್ತಿಯ ಕಂಪನ ನೀಡುತ್ತದೆ. ಇಂತಹ ತಾಣದಲ್ಲಿ ಮುಖ್ಯಪ್ರಾಣನ ಪುನ; ಪ್ರತಿಷ್ಠೆಯೊಂದಿಗೆ ಸಕಲ ಜೀರ್ಣೋದ್ಧಾರ ಕಾರ್ಯ ಆಗಿದೆ. ಆ ಪ್ರಾಣದೇವನ ಶ್ರೀರಕ್ಷೆ ನಮ್ಮ ಸಮಾಜದ ಮೇಲಿರಲಿ. ಎಲ್ಲ ಶಕ್ತಿ, ಸಾಮರ್ಥ್ಯವಿರುವ ಯುವ ಸಮುದಾಯಕ್ಕೆ ಸನ್ಮಾರ್ಗದಲ್ಲಿ ನಡೆಯುವ ಸದ್ಬುದ್ಧಿ ಕರುಣಿಸಲಿ. ಶ್ರೀರಾಮನಂತಹ ಗುಣದವರು ಮೈದಳೆದು ದೇಶ ಸಮೃದ್ಧವಾಗಲಿ ಎಂದು ಪೇಜಾವರ ಮಠದ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದರು ನುಡಿದರು.

ಇಂದ್ರಾಳಿಯಲ್ಲಿರುವ ಇಂದ್ರಾಣಿ ಶ್ರೀಮುಖ್ಯಪ್ರಾಣ ದೇವರ ಅಷ್ಟಬಂಧ ಸಹಿತ ಪುನ; ಪ್ರತಿಷ್ಠಾಪನಾ ಕಾರ್ಯಕ್ರಮದ ನಿಮಿತ್ತ ಶನಿವಾರ (ಏ.4) ಸಂಜೆ ಆಯೋಜಿಸಿದ್ದ ಧಾರ್ಮಿಕ ಸಭೆಯಲ್ಲಿ ಆಶೀರ್ವಚನ ನೀಡಿದರು.

ವೆಂಕಟರಾಯ ಶಾನಭಾಗ ಅವರು ಕನ್ನಡದಲ್ಲಿ ಅನುವಾದಿಸಿದ ಹನುಮಾನ್​ ಚಾಲೀಸಾ (ಜೀವೋತ್ತಮ ಮುಖ್ಯಪ್ರಾಣ) ಪುಸ್ತಕವನ್ನು ಬ್ರಹ್ಮ ಕಲಶೋತ್ಸವ ಸಮಿತಿಯ ಗೌರವಾಧ್ಯಕ್ಷ ಹಾಗೂ ಶಾಸಕ ಯಶಪಾಲ್​ ಸುವರ್ಣ ಬಿಡುಗಡೆ ಮಾಡಿದರು. ಖ್ಯಾತ ವಿದ್ವಾಂಸ ದಾಮೋದರ್​ ಶಮಾರ್ ಬಾರ್ಕೂರು ಧಾರ್ಮಿಕ ಪ್ರವಚನ ನೀಡಿದರು.

ಸಭೆಯಲ್ಲಿ ಕಾಪು ಹೊಸಮಾರಿಗುಡಿ ದೇವಸ್ಥಾನದ ಅಭಿವೃದ್ಧಿ ಸಮಿತಿಯ ಅಧ್ಯಕ್ಷ ಕೆ. ವಾಸುದೇವ ಶೆಟ್ಟಿ, ಮುಂಬಯಿಯ ಜಾಜ್​ ಇಂಟರ್​ನ್ಯಾಷನಲ್​ ಇಂಡಿಯಾ ಕಾರ್ಯನಿರ್ವಾಹಕ ನಿರ್ದೇಶಕ ಜಯಕರ್​ ಶೆಟ್ಟಿ ಬುಡ್ನಾರು, ಉಜ್ವಲ ಸಮೂಹ ಸಂಸ್ಥೆಗಳ ಪುರುಷೋತ್ತಮ ಪಿ. ಶೆಟ್ಟಿ, ಸಾಯಿರಾಧಾ ಸಮೂಹ ಸಂಸ್ಥೆಗಳ ಮನೋಹರ್​ ಎಸ್​. ಶೆಟ್ಟಿ, ಸ್ವದೇಶ್​ ಸಮೂಹ ಸಂಸ್ಥೆಗಳ ಶ್ರೀನಾಗೇಶ್​ ಹೆಗ್ಡೆ,  ಉದ್ಯಮಿ ಇಂದ್ರಾಳಿ ಕುಶಲ್​ ಶೆಟ್ಟಿ, ಉಡುಪಿ ತಹಸೀಲ್ದಾರ್​ ಗುರುರಾಜ್​ ಪಿ.ಆರ್​., ಜೀಣೋರ್ದ್ಧಾರ ಸಮಿತಿಯ ಅಧ್ಯಕ್ಷ ಭೂಪತಿ ಶೆಟ್ಟಿ, ಉಪಾಧ್ಯಕ್ಷ ಸಾಧು ಶೆಟ್ಟಿ ಇಂದ್ರಾಳಿ, ಬ್ರಹ್ಮ ಕಲಶೋತ್ಸವ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಸೀತಾರಾಮ ನಾಯಕ್​ ಮಂಚಿಕೋಡಿ ಉಪಸ್ಥಿತರಿದ್ದರು.

ಸುಪ್ರಿತಾ ರಾಜೇಶ್​ ಪ್ರಾರ್ಥಿಸಿದರು. ಇಂದ್ರಾಣಿ ಮುಖ್ಯಪ್ರಾಣ, ನಾಗದೇವರ ಬ್ರಹ್ಮಕಲಶೋತ್ಸವ ಸಮಿತಿಯ ಅಧ್ಯಕ್ಷ ಜಯಕರ್​ ಶೆಟ್ಟಿ ಇಂದ್ರಾಳಿ ಸ್ವಾಗತಿಸಿ, ಪ್ರಾಸ್ತಾವಿಕವಾಗಿ ಮಾತನಾಡಿದರು. ಜೀಣೋರ್ದ್ಧಾರ ಸಮಿತಿಯ ಪ್ರಧಾನ ಕಾರ್ಯದರ್ಶಿ ರತ್ನಾಕರ್​ ಇಂದ್ರಾಳಿ ವಂದಿಸಿದರು. ಶಮಿತಾ ಕಾರ್ಯಕ್ರಮ ನಿರೂಪಿಸಿದರು.

ಬೆಳಗ್ಗೆ 11ಕ್ಕೆ ಮಣಿಪಾಲದ ನೃತ್ಯ ಕಲಾ ಮಂದಿರದ ವಿದುಷಿ ಸವಿತಾ ಮುರಳೀಧರ್​ ಶಿಷ್ಯರಿಂದ ನೃತ್ಯ ವೈಭವ ನಡೆಯಿತು. ಮಧ್ಯಾಹ್ನ 2 ಗಂಟೆಗೆ ಗುಂಡಿಬೈಲು ಯಕ್ಷಗಾನ ಕಲಾ ಕ್ಷೇತ್ರದಿಂದ ತಾಳಮದ್ದಳೆ ಹಾಗೂ ಸಂಜೆ 4ರಿಂದ ಮಣಿಪಾಲದ ಹುಡ್ಕೋ ಕಾಲನಿಯ ಶ್ರೀಪ್ರಸನ್ನ ಗಣಪತಿ ಭಜನಾ ಮಂಡಳಿಯ ವಿದುಷಿ ಉಷಾ ಹೆಬ್ಬಾರ್​ ಮತ್ತು ತಂಡದಿಂದ ಭಜನಾಮೃತಂ ನಡೆಯಿತು. ರಾತ್ರಿ 7:30ಕ್ಕೆ ಉಡುಪಿಯ ಕಲಾಮಯಂ ವತಿಯಿಂದ ಜನಪದ ಕಲರವ ಹಾಗೂ ರಂಗ ಸಂಗೀತ, ಜಾನಪದ ವಾದ್ಯಪರಿಕರಗಳ ವಾದನ ನಡೆಯಿತು.

"