ಐಫೋನ್ ನೀಡುವುದಾಗಿ ವಂಚನೆ

ಭಾನುವಾರ ಅಂಗಡಿಗೆ ಬಂದಿದ್ದ ಅಪರಿಚಿತ, ತಾನು ಪೊಲೀಸ್ ಎಂದು ಯುವತಿಯಲ್ಲಿ ಪರಿಚಯಿಸಿಕೊಂಡಿದ್ದಾನೆ. ಬಳಿಕ ಗಾಂಜಾ ದಂಧೆಕೋರರನ್ನು ಹಿಡಿಯಲು ಬಂದಿದ್ದೇವೆ ಎಂದು ಹೇಳಿ ವಿಶ್ವಾಸ ಗಳಿಸಿದ್ದಾನೆ. ಆರೋಪಿಗಳಿಂದ ವಶಪಡಿಸಿಕೊಳ್ಳಲಾದ ಐಫೋನ್ ಇದೆ. ನಿಮಗೂ ಬೇಕಾ? ಎಂದು ಕೇಳಿ, ತುರ್ತಾಗಿ 3,500 ರೂ.ಕೊಟ್ಟರೆ ಐಫೋನ್ ಕೊಡುವುದಾಗಿ ಹೇಳಿದ್ದಾನೆ.

ನಂಬಿದ ಯುವತಿ ಹಣ ನೀಡಿದ್ದಾಳೆ. ಜೀಪಿನಲ್ಲಿರುವ ಐಫೋನ್ ತೆಗೆದುಕೊಂಡು ಬರುತ್ತೇನೆ ಎಂದು ತೆರಳಿದ ಆತ ವಾಪಸ್ ಬಂದಿಲ್ಲ. ನಂತರ ಯುವತಿಗೆ ತಾನು ಮೋಸ ಹೋಗಿರುವುದು ಅರಿವಾಗಿದೆ. ಕೆಲದಿನಗಳ ಹಿಂದೆಯಷ್ಟೇ ಕುಂಬ್ರದ ಗಾಣಿಗ ಆಯಿಲ್ ಮಿಲ್‌ಗೆ ಬಂದ ಅಪರಿಚಿತನೊಬ್ಬ ಅಂಗಡಿ ಮಾಲಕಿಗೆ ವಂಚಿಸಿದ ಘಟನೆ ನಡೆದಿತ್ತು.