ಮಗುಚಿದ ದೋಣಿ ಐವರು ಮೀನುಗಾರರ ರಕ್ಷಣೆ

ಪಡುವರಿ ಗ್ರಾಮದ ತಾರಾಪತಿ ಅಳ್ವೆಕೋಡಿಯ ನಾಗರಾಜ ಖಾರ್ವಿ, ಯೋಗೀಶ್ ಖಾರ್ವಿ, ರಾಜು ಖಾರ್ವಿ, ಮಂಜುನಾಥ ಖಾರ್ವಿ ಹಾಗೂ ನಾಗರಾಜ ಖಾರ್ವಿ ಮಲ್ಪೆಯಿಂದ ಮೀನುಗಾರಿಕೆ ಮುಗಿಸಿಕೊಂಡು ಭಟ್ಕಳದತ್ತ ಹೋಗುವಾಗ ಶಿರೂರು ಕೊಕ್ಲೇರಕಲ್ಲಿನ ಹತ್ತಿರ ಗಾಳಿ ಮಳೆಯಿಂದಾಗಿ ಆಕಸ್ಮಿಕವಾಗಿ ಎದ್ದಿರುವ ರಕ್ಕಸ ಅಲೆಗೆ ದೋಣಿ ಮುಳುಗಿದ್ದು, ಇವರು ಸುರಕ್ಷಿತ ಜಾಕೆಟ್ ಹಾಕಿದ್ದರಿಂದ ಪ್ರಾಣಾಪಾಯ ಸಂಭವಿಸಲಿಲ್ಲ.

ಪಕ್ಕದಲ್ಲಿ ಮೀನುಗಾರಿಕೆ ನಡೆಸುತ್ತಿದ್ದ ಶೇಖರ ಖಾರ್ವಿ ದುರಂತ ಗಮನಿಸಿ ತಕ್ಷಣ ಅಲ್ಲಿಗೆ ತೆರಳಿ ಈ ಐವರನ್ನು ರಕ್ಷಣೆ ವಾಡಿದ್ದಾರೆ. ದೋಣಿ ಸಂಪೂರ್ಣ ಜಖಂಗೊಂಡಿದ್ದು, ಇಂಜಿನ್ ಸೇರಿದಂತೆ ಅದರಲ್ಲಿರುವ ಜಿಪಿಎಸ್, ಫಿಶ್‌ಫೈಂಡರ್, ಐದು ಸೆಟ್ ಬಲೆಗಳು ಹಾಗೂ 30 ಸಾವಿರ ರೂ. ನಗದು ಸಮುದ್ರ ಪಾಲಾಗಿದ್ದು, ಸುವಾರು 7 ಲಕ್ಷಕ್ಕೂ ಹೆಚ್ಚು ನಷ್ಟ ಸಂಭವಿಸಿದೆ ಎಂದು ಅಂದಾಜಿಸಲಾಗಿದೆ. ಕರಾವಳಿ ಕಾವಲು ಪಡೆಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಮಹಜರು ವಾಡಿದ್ದಾರೆ.