ದಾಖಲೆ ಬರೆದ ವಾರಂಬಳ್ಳಿ ಗ್ರಾ.ಪಂ.
ತ್ಯಾಜ್ಯ ಎಸೆದ ವಸ್ತುಗಳ ವಿಳಾಸದ ಜಾಡನ್ನು ಹಿಡಿದು, ಕಸದ ರಾಶಿಯಲ್ಲಿ ಪತ್ತೆಯಾದ ವಿಳಾಸದ ವ್ಯಕ್ತಿಗಳನ್ನು ವಿಚಾರಿಸಿ 5000 ರೂ. ದಂಡ ಹಾಕಲಾಗಿದೆ. ಇದರಲ್ಲಿ ಜಿಲ್ಲೆಯಲ್ಲಿ ಗ್ರಾಮ ಪಂಚಾಯಿತಿಯೊಂದು ಹೆಚ್ಚು ದಂಡ ಹಾಕಿರುವುದರಲ್ಲಿ ವಾರಂಬಳ್ಳಿ ಗ್ರಾಮ ಪಂಚಾಯಿತಿ ಗುರುತಿಸಿಕೊಂಡಿದೆ.
ಜೆಸಿಬಿ ಯಂತ್ರ ಬಳಸಿ ಸ್ವಚ್ಛತೆ
ನಿರ್ಮಲಾ ಹೈಸ್ಕೂಲ್ ಬಳಿಯಲ್ಲಿ ಕಸದ ಕೊಂಪೆಯಾಗಿರುವುದನ್ನು ಜೆಸಿಬಿ ಯಂತ್ರದ ಮೂಲಕ ಸ್ವಚ್ಛಗೊಳಿಸಿರುವುದು, ಕುಂಜಾಲು ರಸ್ತೆ ಬಳಿಯ ಕಟ್ಟಡವೊಂದರ ಬಳಿ ಕಸದ ರಾಶಿ ಮತ್ತು ರಸ್ತೆ ಮೇಲೆ ಇರುವ ನಾಮಫಲಕದ ಕಂಬಗಳನ್ನು ತೆರವು ವಾಡಲಾಗಿದೆ. ಗ್ರಾಮೀಣ ಭಾಗವಾಗ ನೀಲಾವರ, ಆರೂರು, ಕುಂಜಾಲು, ಹನೆಹಳ್ಳಿ, ನಡೂರು, ಕಾಡೂರು, ಬಾರಕೂರು, ಹಾರಾಡಿ, ಬೈಕಾಡಿ, ಉಪ್ಪೂರು ಸೇರಿದಂತೆ ಬಹುತೇಕ ಗ್ರಾಮ ಪಂಚಾಯಿತಿ ಸ್ವಚ್ಛತಾ ಕರ್ಮಿಗಳೊಂದಿಗೆ ಕಚೇರಿ ಸಿಬ್ಬಂದಿ ಕೂಡ ಸ್ವಚ್ಛತೆಯಲ್ಲಿ ತೊಡಗಿದ್ದು, ಆದೇಶ ಪಾಲನೆ ಮತ್ತು ಸ್ವಚ್ಛತೆಗೆ ಮಹತ್ವ ನೀಡಿದ್ದಾರೆ.
