ಕುಂಬಳೆಯಲ್ಲಿ ಮರ ಬಿದ್ದು ಮನೆಗಳಿಗೆ ಹಾನಿ

ಕಿನಾನೂರು ಕರಿಂದಳ ಪಂಚಾಯಿತಿಯ ನಾಂದಿಯಡ್ಕದಲ್ಲಿ ಜಾನಕಿ ಎಂಬುವರ ಹೆಂಚಿನ ಮನೆ ಮೇಲೆ ಮರ ಬಿದ್ದಿದ್ದು ಮನೆಯಲ್ಲಿದ್ದ ಅವರ ತಾಯಿ ಕೆ.ಮಾಣಿಕ್ಕ(90) ಗಾಯಗೊಂಡಿದ್ದಾರೆ. ಇತರರು ಅಪಾಯದಿಂದ ಪಾರಾಗಿದ್ದಾರೆ.

ಕಾಞಂಗಾಡ್ ಸೌತ್ ಸರ್ಕಾರಿ ವೊಕೇಶನಲ್ ಹೈಯರ್ ಸೆಕೆಂಡರಿ ಶಾಲೆಯ ಮೇಲ್ಛಾವಣಿಯ ಶೀಟ್‌ಗಳು ಬಿರುಗಾಳಿಗೆ ಹಾರಿ ಹೋಗಿವೆ. ಶಾಲೆ ಸಮೀಪದ ಕುಟುಂಬವನ್ನು ಸಂಬಂಧಿಕರ ಮನೆಗೆ ಸ್ಥಳಾಂತರಿಸಲಾಗಿದೆ. ಭಾರಿ ಗಾಳಿಗೆ ರಬ್ಬರ್ ಸಹಿತ ಹಲವು ಮರಗಳು ಮುರಿದು ಬಿದ್ದಿದ್ದು ವ್ಯಾಪಕ ನಷ್ಟ ಉಂಟಾಗಿದೆ.