ನಟರಾಜ ಡ್ಯಾನ್ಸ್ ಕಂಪನಿ ವಾರ್ಷಿಕೋತ್ಸವ ಹಾಗೂ ಬೇಸಿಗೆ ಶಿಬಿರವನ್ನು ಶ್ರೀ ಸೇನೇಶ್ವರ ದೇಗುಲ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಗಿರೀಶ ಬೈಂದೂರು ಉದ್ಘಾಟಿಸಿದರು. ಪ್ರಮುಖರಾದ ನರಸಿಂಹ ನಾಯಕ್, ನಟರಾಜ್, ಗೀತಾ ಪ್ರಸನ್ನ ಮತ್ತಿತರರಿದ್ದರು.
ಬೈಂದೂರು: ಸಂಸ್ಕೃತಿಯ ಪ್ರೀತಿ ಜೀವನದಲ್ಲಿ ಹೊಸ ಬದುಕನ್ನು ರೂಪಿಸುತ್ತದೆ. ಮಾನವೀಯ ಮೌಲ್ಯ ವೃದ್ಧಿಸಿ ಸಮಾಜಮುಖಿ ಚಿಂತನೆಗಳನ್ನು ಕಲ್ಪಿಸುತ್ತದೆ ಎಂದು ಶ್ರೀ ಸೇನೆಶ್ವರ ದೇಗುಲ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಗಿರೀಶ ಬೈಂದೂರು ಹೇಳಿದರು.
ಇಲ್ಲಿನ ಶ್ರೀ ಶಾರದಾ ವೇದಿಕೆಯಲ್ಲಿ ನಟರಾಜ ಡ್ಯಾನ್ಸ್ ಕಂಪನಿ 9ನೇ ವಾರ್ಷಿಕೋತ್ಸವ ಹಾಗೂ ಬೇಸಿಗೆ ಶಿಬಿರ ಉದ್ಘಾಟಿಸಿ ಮಾತನಾಡಿದರು.
ಸ್ಥಳಿಯ ರೋಟರಿ ಕ್ಲಬ್ ಅಧ್ಯಕ್ಷ ಸುಬ್ರಹ್ಮಣ್ಯ ಜಿ.ಉಪ್ಪುಂದ ಮಾತನಾಡಿ, ಹಾಡುವುದು ಮತ್ತು ಕುಣಿಯುವುದು ಹುಟ್ಟುತ್ತಲೇ ಬರುವ ಸಹಜ ಪ್ರವೃತ್ತಿ. ನಿಜವಾದ ಶಿಕ್ಷಣ ಹಾಡಿನಂತೆ ಕುಣಿತದಂತೆ ಸಂತೋಷಕರವಾಗಿರಬೇಕು. ಈ ಪ್ರಕ್ರಿಯೆ ಮಗುವಿನ ವಿದ್ಯಾಭ್ಯಾಸಕ್ಕೆ ಎಂದೆಂದಿಗೂ ಭಂಗ ತರಲಾರವು ಎಂದರು.
ಲಾವಣ್ಯ ಅಧ್ಯಕ್ಷ ನರಸಿಂಹ ನಾಯಕ್, ಕೊರಿಯೋಗ್ರಾಫರ್ ನಟರಾಜ್ ಇದ್ದರು.
ಗೀತಾ ಪ್ರಸನ್ನ ಸ್ವಾಗತಿಸಿದರು. ದೀಪಿಕಾ ರವಿ ನಿರೂಪಿಸಿದರು. ಪಾರ್ವತಿ ವಂದಿಸಿದರು. ನಂತರ ಕೇಂದ್ರದ ವಿದ್ಯಾರ್ಥಿಗಳಿಂದ ಸಾಂಸತಿಕ ಸಂಭ್ರಮ ನಡೆಯಿತು.
"
ನೃತ್ಯ ಪ್ರಾಕಾರಗಳು ದೈಹಿಕ ಹಾಗೂ ಮಾನಸಿಕವಾಗಿ ಆರೋಗ್ಯಕ್ಕೆ ಉತ್ತಮ ಸಹಕಾರಿಯಾಗಿವೆ. ಬದುಕಿನಲ್ಲಿ ಪರಿಪೂರ್ಣತೆ ಕಾಣಬೇಕಾದರೆ ಹಾಗೂ ವ್ಯಕ್ತಿತ್ವದ ಬೆಳವಣಿಗೆಗೆ ಬಾಲ್ಯದಿಂದಲೇ ಸಾಂಸತಿಕವಾಗಿ ತೊಡಗಿಸಿಕೊಳ್ಳಬೇಕು.
