ವೈಜ್ಞಾನಿಕ ಮೀನು ಸಾಕಣೆಗೆ ಒತ್ತು

ಪಶುವೈದ್ಯಕೀಯ, ಪಶು ಹಾಗೂ ಮೀನುಗಾರಿಕಾ ವಿಜ್ಞಾನಗಳ ವಿಶ್ವವಿದ್ಯಾಲಯ ಹಾಗೂ ಮೀನುಗಾರಿಕಾ ಸಂಶೋಧನಾ ಮತ್ತು ಮಾಹಿತಿ ಕೇಂದ್ರದ ಆಶ್ರಯದಲ್ಲಿ ಪಣಪಿಲದ ಶ್ರೀರಾಜ್ ಮತ್ಸ್ಯ ಫಾರ್ಮ್‌ನಲ್ಲಿ ಶನಿವಾರ ಐದನೇ ವರ್ಷದ ಮತ್ಸ್ಯ ಮೇಳ-2026ರಲ್ಲಿ ಮುಖ್ಯ ಅತಿಥಿಯಾಗಿ ಮಾತನಾಡಿದರು.

ಮೀನುಗಳನ್ನು ತಳಿಗೆ ಅನುಗುಣವಾಗಿ ವೈಜ್ಞಾನಿಕ ವಿಧಾನದಲ್ಲಿ ಸಾಕಬೇಕು. ಸಣ್ಣಮಟ್ಟದ ಮೀನು ಸಾಕಣೆದಾರರು ರೈತ ಸಂತೆಗಳು ಅಥವಾ ಕೆಎಫ್‌ಡಿಸಿ ಮೂಲಕವೂ ತಮ್ಮ ಉತ್ಪನ್ನಗಳನ್ನು ನೇರವಾಗಿ ಮಾರಾಟ ಮಾಡುವ ಅವಕಾಶವನ್ನು ಬಳಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ಶ್ರೀರಾಜ್ ಫಾರ್ಮ್‌ನ ಕೃಷ್ಣಮ್ಮ ಜೆ.ಕೋಟ್ಯಾನ್ ಮೇಳ ಉದ್ಘಾಟಿಸಿದರು. ದರೆಗುಡ್ಡೆ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷ ಅಶೋಕ ಶೆಟ್ಟಿ, ಮಾಜಿ ಉಪಾಧ್ಯಕ್ಷ ಮುನಿರಾಜ ಹೆಗ್ಡೆ, ಮಾಜಿ ಸದಸ್ಯ ದೀಕ್ಷಿತ್ ಪಣಪಿಲ, ಪ್ರಮುಖರಾದ ದೇವರಾಜ ಕೋಟ್ಯಾನ್, ಹರಿಯಪ್ಪ ಕೋಟ್ಯಾನ್ ಉಪಸ್ಥಿತರಿದ್ದರು.

ಮತ್ಸ್ಯಮೇಳದ ರೂವಾರಿ ರಾಜೇಶ್ ಕೋಟ್ಯಾನ್ ನಿರೂಪಿಸಿದರು. ಸರಿತಾ ವಂದಿಸಿದರು. ಮೇಳದಲ್ಲಿ ಕಾಟ್ಲಾ, ರೋಹು, ಗ್ರಾಸ್ ಕಾರ್ಪ್, ಮಡೆಂಜಿ ಸೇರಿದಂತೆ ವಿವಿಧ ತಳಿಯ 1,500ಕ್ಕೂ ಅಧಿಕ ಮೀನುಗಳು ಹಾಗೂ 25 ಸಾವಿರಕ್ಕೂ ಅಧಿಕ ಮೀನು ಮರಿಗಳು ಮಾರಾಟವಾಗಿದ್ದು, ಮೀನು ಸಾಕಣೆದಾರರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಯಿತು.