ಜೂನ್ 19ರಂದು ರಾತ್ರಿ ಸುಮಾರು 10 ಗಂಟೆಗೆ ಈ ಅಪಘಾತ ಸಂಭವಿಸಿದೆ. ಅಭಿಷೇಕ್ ನಾಯಕ್ ಸ್ಕೂಟಿಯಲ್ಲಿ ಕಾರ್ಯನಿಮಿತ್ತ ಮಣಿಪಾಲಕ್ಕೆ ಬಂದು, ಬಳಿಕ ಕೆಳಪರ್ಕಳದಲ್ಲಿರುವ ಮನೆಗೆ ವಾಪಸ್ಸು ಹೋಗುತ್ತಿದ್ದರು. ಎಂ.ಐ.ಟಿ ಕಡೆಯಿಂದ ಬಂದ ಆರೋಪಿ ಸಮೇಗ್ದ್ ತನ್ನ ಕಾರನ್ನು ಅಜಾಗರೂಕತೆಯಿಂದ ಚಲಾಯಿಸಿಕೊಂಡು ಬಂದು ಸ್ಕೂಟರ್ಗೆ ಡಿಕ್ಕಿ ಹೊಡೆದಿದ್ದ. ಇದರಿಂದ ಸ್ಕೂಟರ್ ಸವಾರ ಗಂಭೀರಗಾಗೊಂಡಿದ್ದರು. ಚಾಲಕನು ಮದ್ಯದ ಅಮಲಿನಲ್ಲೇ ವಾಹನ ಚಲಾಯಿಸಿ ಈ ಅಪಘಾತ ಎಸಗಿರುವುದು ಪ್ರಾಥಮಿಕ ತನಿಖೆಯಲ್ಲಿ ದೃಢಪಟ್ಟಿದೆ. ಈ ಘಟನೆಗೆ ಸಂಬಂಧಿಸಿದಂತೆ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಳ್ಳಲಾಗಿತ್ತು. ಜೂನ್ 22ರಂದು ಮಣಿಪಾಲ ಪೊಲೀಸರು ಆರೋಪಿ ಚಾಲಕನನ್ನು ದಸ್ತಗಿರಿ ಮಾಡಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದು, ನ್ಯಾಯಾಲಯವು ಆರೋಪಿಗೆ ನ್ಯಾಯಾಂಗ ಬಂಧನ ವಿಧಿಸಿ ಆದೇಶಿಸಿದೆ.
