ಉತ್ತಮ ಹವ್ಯಾಸದಿಂದ ಬದುಕಿನಲ್ಲಿ ಬೆಳಕು

ಉಡುಪಿ: ವಿದ್ಯಾರ್ಥಿಗಳು ಕೆಟ್ಟ ಆಲೋಚನೆ ಮಾಡಬಾರದು. ದುಶ್ಚಟಗಳಿಂದ ಆರೋಗ್ಯ, ಆರ್ಥಿಕ ಮತ್ತು ಸಾಮಾಜಿಕವಾಗಿಯೂ ತೊಂದರೆ ಅನುಭವಿಸಬೇಕಾಗುತ್ತದೆ. ಆ ನಿಟ್ಟಿನಲ್ಲಿ ಉತ್ತಮ ಹವ್ಯಾಸ ರೂಢಿಸಿಕೊಳ್ಳಬೇಕು. ನಮ್ಮ ದೃಷ್ಟಿಕೋನ ಬದಲಾಯಿಸಿದರೆ ದೃಶ್ಯವೂ ಬದಲಾಗಬಹುದು. ಉತ್ತಮ ಹವ್ಯಾಸಗಳು ಜೀವನಕ್ಕೆ ಹೊಸ ಬೆಳಕು ನೀಡಬಲ್ಲದು ಎಂದು ವ್ಯಕ್ತಿತ್ವ ವಿಕಸನ ತರಬೇತಿದಾರ ರಾಘವೇಂದ್ರ ಪ್ರಭು ಕರ್ವಾಲು ಕಿವಿಮಾತು ಹೇಳಿದರು.

ಬೆಳ್ಮಣ್​ ಸರ್ಕಾರಿ ಪದವಿ ಪೂರ್ವ ಕಾಲೇಜು ಸಭಾಂಗಣದಲ್ಲಿ ಜೆಸಿಐ ಬೆಳ್ಮಣ್​, ಕಾಲೇಜಿನ ಇಕೋ ಕ್ಲಬ್​ ಮತ್ತು ಸ್ಥಳೀಯ ಗ್ರಾಪಂ ಸಂಜೀವಿನಿ ಒಕ್ಕೂಟದ ವತಿಯಿಂದ ಆಯೋಜಿಸಿದ್ದ ಅಂತಾರಾಷ್ಟ್ರೀಯ ಮಾದಕ ವಸ್ತು ವಿರೋಧಿ ಮತ್ತು ಕಳ್ಳ ಸಾಗಣೆ ವಿರೋಧಿ ದಿನದ ನಿಮಿತ್ತ 'ನಶಾ ಮುಕ್ತ ಭಾರತ' ಅಭಿಯಾನದಲ್ಲಿ ಮಾತನಾಡಿದರು.

ಜೆಸಿಐ ಬೆಳ್ಮಣ್​ ಅಧ್ಯಕ್ಷ ವೀರೇಂದ್ರ ಆರ್​.ಕೆ. ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯೋಪಾಧ್ಯಾಯ ಗೋಪಾಲ್​, ಜಯಂತಿ ಶೆಟ್ಟಿ, ವಲಯ ಉಪಾಧ್ಯಕ್ಷ ಪ್ರದೀಪ್​ ಇತರರು ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳಿಗೆ 'ನಶಾಮುಕ್ತ ಭಾರತ'ದ ಪ್ರಮಾಣವಚನ ಬೋಧಿಸಲಾಯಿತು.