ಉಡುಪಿ: ಮಣಿಪಾಲ್​ ಅಕಾಡೆಮಿ ಆಫ್​ ಹೈಯರ್​ ಎಜುಕೇಶನ್​ (ಮಾಹೆ)ನ ಅಂಗಸಂಸ್ಥೆಯಾದ ಮಣಿಪಾಲ್​ ಕಾಲೇಜ್​ ಆಫ್​ ನರ್ಸಿಂಗ್​ (ಎಂಸಿಒಎನ್​-ಎಂಕಾನ್​)ನ ಡೀನ್​ ಡಾ. ಜುಡಿತ್​ ಏಂಜಲಿಟಾ ನೊರೊನ್ಹಾ ಅವರು ಅಮೆರಿಕನ್​ ಅಕಾಡೆಮಿ ಆಫ್​ ನರ್ಸಿಂಗ್​ (ಎಎಎನ್​)ನ 2026ನೇ ಸಾಲಿನ ಪ್ರತಿಷ್ಠಿತ 'ಫೆಲೋ' ಆಗಿ ಆಯ್ಕೆಯಾಗಿದ್ದಾರೆ.

ಆರೋಗ್ಯ ಕ್ಷೇತ್ರಕ್ಕೆ ಅಪಾರ ಕೊಡುಗೆ ನೀಡಿದ ಜಾಗತಿಕ ನರ್ಸಿಂಗ್​ ಸಾಧಕರನ್ನು ಗುರುತಿಸಿ 'ಅಮೆರಿಕನ್​ ಅಕಾಡೆಮಿ ಆಫ್​ ನರ್ಸಿಂಗ್​ (ಎಎಎನ್)' ತನ್ನ 2026ನೇ ಸಾಲಿನ ಫೆಲೋ ಪಟ್ಟಿ ಪ್ರಕಟಿಸಿದೆ. ಇದರಲ್ಲಿ ಅಮೆರಿಕದ 39 ರಾಜ್ಯ, ಡಿಸ್ಟ್ರಿಕ್ಟ್​ ಆಫ್​ ಕೊಲಂಬಿಯಾ ಹಾಗೂ 17 ದೇಶಗಳ ಪ್ರಖ್ಯಾತ ನರ್ಸಿಂಗ್​ ನಾಯಕರು ಸ್ಥಾನ ಗಳಿಸಿದ್ದಾರೆ. 

"

ಡಾ. ಜುಡಿತ್​ ಏಂಜಲಿಟ್ಟಾ ನೊರೊನ್ಹಾ ಅವರ ಈ ಸಾಧನೆ ಮಾಹೆ ಮತ್ತು ಭಾರತೀಯ ನರ್ಸಿಂಗ್​ ಸಮುದಾಯಕ್ಕೆ ಅತ್ಯಂತ ಹೆಮ್ಮೆಯ ಸಂಗತಿಯಾಗಿದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪ್ರತಿಷ್ಠಿತ ಗೌರವ ಇದಾಗಿದೆ. ಹಲವು ದಶಕಗಳಿಂದ ಡಾ. ನೊರೊನ್ಹಾ ಅವರು ನರ್ಸಿಂಗ್​ ಶಿಕ್ಷಣ, ಸಂಶೋಧನೆ ಮತ್ತು ನಾಯಕತ್ವಕ್ಕೆ ನೀಡಿದ ಕೊಡುಗೆಗಳಿಗೆ ಸಂದ ಮನ್ನಣೆಯಾಗಿದೆ.

— ಡಾ. ಶರತ್​ ಕೆ. ರಾವ್​. ಮಾಹೆ ಕುಲಪತಿ.