ಡ್ರೈನೇಜ್ ಮೂಲಕ ಹರಿಯುವ ನೀರನ್ನು ಇಂದ್ರಾಣಿ ನದಿಗೆ ಬಿಡಲಾಗುತ್ತಿದೆ ಎಂಬ ಆರೋಪ ಕೇಳಿಬಂದಿದೆ. ಇದರಿಂದ ಇಂದ್ರಾಣಿಯ ನದಿ ನೀರೂ ಸಹ ಕಲುಷಿತಗೊಳ್ಳುತ್ತಿದೆ. ಅಲ್ಲದೆ, ನದಿ ಸುತ್ತಮುತ್ತಲಿನ ಮನೆಗಳ ಬಾವಿಗಳ ನೀರೂ ಸಹ ಕಂದು ಬಣ್ಣವಾಗುತ್ತಿದ್ದು, ಕುಡಿಯಲು ಯೋಗ್ಯವಾಗುತ್ತಿಲ್ಲ. ನೀರು ವಾಸನೆಯಾಗಿರುವುದರಿಂದ ಬಟ್ಟೆ ತೊಳೆಯಲೂ ಸಹ ಸಾಧ್ಯವಾಗುತ್ತಿಲ್ಲ. ಮಣಿಪಾಲದಲ್ಲೂ ಡ್ರೈನೇಜ್ ವ್ಯವಸ್ಥೆಯೇ ಇಲ್ಲ. ಅಲ್ಲಿನ ಮನೆಗಳ ಹಾಗೂ ರೆಸ್ಟೋರೆಂಟ್ಗಳ ಮಲೀನ ನೀರನ್ನು ನೇರವಾಗಿ ಚರಂಡಿಗೇ ಬಿಡುತ್ತಿದ್ದಾರೆ. ಉಡುಪಿ ನಗರದಲ್ಲೂ ಸಹ ಹಲವರ ಮನೆಗಳ ಮಲೀನ ನೀರು ಡ್ರೈನೇಜ್ಗೆ ಸಂಪರ್ಕವಿಲ್ಲದ್ದರಿಂದ ಚರಂಡಿಗೇ ಬಿಡುತ್ತಿದ್ದಾರೆ ಎನ್ನಲಾಗಿದೆ.
