’ಕಸ್ತೂರಿ’ ಭೌತಿಕ ಸರ್ವೇಗೆ ಒತ್ತಾಯ

ಕುಂದಾಪುರ: ಕಸ್ತೂರಿ ರಂಗನ್ ವರದಿ ಬಾಧಿತ ಪ್ರದೇಶಗಳ ಜನರ ಸಮಸ್ಯೆ ಕುರಿತು ಗಮನ ಸೆಳೆಯಲು ಈ ಬಾರಿ ವಿಧಾನಸಭಾ ಅಧಿವೇಶನದಲ್ಲಿ ಪ್ರಶ್ನಿಸಲಾಗುವುದು. ಬೈಂದೂರು ಫೌಂಡೇಶನ್ ಮೂಲಕ ಈಗಾಗಲೇ ಕೇರಳದ ಪರಿಣಿತ ತಂಡದ ವರದಿ ತರಿಸಿ ಕನ್ನಡಕ್ಕೆ ಅನುವಾದ ಮಾಡಲಾಗಿದ್ದು, ಆಸಕ್ತರಿಗೆ ನೀಡಲಾಗುವುದು. ಸತ್ಯಶೋಧನಾ ಭೌತಿಕ ಸರ್ವೇಗೆ ಸರ್ಕಾರವನ್ನು ಒತ್ತಾಯಿಸಲಾಗುವುದು ಎಂದು ಶಾಸಕ ಗುರುರಾಜ್ ಶೆಟ್ಟಿ ಗಂಟಿಹೊಳೆ ಹೇಳಿದರು.

ಪರಿಸರ ಸೂಕ್ಷ್ಮ ಪ್ರದೇಶಕ್ಕಿಂತಲೂ ವಲಯ ಇನ್ನೂ ಕಠಿಣ ನಿಯಮ ಹೊಂದಿದ್ದು ಅದರಿಂದ ಜನ ಜೀವನ ಸಂಕಷ್ಟಕ್ಕೆ ಒಳಗಾಗಲಿದೆ. ಪ್ರತಿಯೊಂದಕ್ಕೂ ಅನುಮತಿ ತೆಗೆದುಕೊಳ್ಳಬೇಕಾಗುವುದರಿಂದ ನಾಗರಿಕರಿಗೆ ಓಡಾಟವೇ ಕಷ್ಟವಾಗಲಿದೆ.

— ಟಿ.ಬಾಲಚಂದ್ರಶೆಟ್ಟಿ ವಕೀಲ