ಒಣಗಿದ ಮರಗಳಿಂದ ಅಪಾಯ !

ರೈಲ್ವೆ ನಿಲ್ದಾಣಕ್ಕೆ ತೆರಳುವ ಪ್ರಧಾನ ರಸ್ತೆಯಲ್ಲಿ ಒಣಗಿದ ಮರಗಳು ಬೀಳುವ ಸ್ಥಿತಿಯಲ್ಲಿದೆ. ಹಾಗೆಯೇ ರೈಲ್ವೆ ನಿಲ್ದಾಣದ ಎದುರು ಭಾಗದಲ್ಲಿ ದ್ವಿಚಕ್ರ ವಾಹನ ಪಾರ್ಕಿಂಗ್ ಸ್ಥಳದಲ್ಲಿ ಅನೇಕ ಮರಗಳು ಬೀಳುವ ಸ್ಥಿತಿಯಲ್ಲಿದೆ. ಕೂಡಲೇ ಇದನ್ನು ರೈಲ್ವೆ ಇಲಾಖೆ ತೆರವುಗೊಳಿಸಬೇಕಾದ ಅಗತ್ಯತೆ ಇದೆ. ಈ ರಸ್ತೆಯಲ್ಲಿ ವಾಹನಗಳು ಸಂಚರಿಸುವ ಸಂದರ್ಭ ಮರದ ಕೊಂಬೆ ಮುರಿದು ಬಿದ್ದರೆ ಪ್ರಾಣಾಪಾಯ ಗ್ಯಾರಂಟಿ. ಈ ಮರದ ಕೆಳಗೆ ವಿದ್ಯುತ್ ಲೈನ್ ಹಾದು ಹೋಗಿದ್ದು, ಮಳೆ-ಗಾಳಿ ಸಂದರ್ಭ ಅಪಾಯವಿದೆ.

ಈ ಪ್ರದೇಶಕ್ಕೆ ಹತ್ತಿರವಾಗಿ ವಸತಿ ಪ್ರದೇಶವಿದ್ದು ಇಲ್ಲಿನ ಮಕ್ಕಳು ಆಟ ಅಥವಾ ಓಡಾಡಲು ಈ ರಸ್ತೆಯನ್ನು ಬಳಸುವ ಕಾರಣ ಅತೀ ಶೀಘ್ರವಾಗಿ ಒಣಗಿದ ಮರ ತೆರವುಗೊಳಿಸುವುದು, ರಸ್ತೆ ಅಗಲೀಕರಣಗೊಳಿಸಿ ದ್ವಿಪಥ ರಸ್ತೆಯನ್ನಾಗಿಸುವುದು ಅಗತ್ಯ ಎಂದು ಸ್ಥಳಿಯರು ಎಚ್ಚರಿಸಿದ್ದಾರೆ. ಈ ಬಗ್ಗೆ ರೈಲ್ವೆ ಇಲಾಖೆ ಅಥವಾ ಈ ಪ್ರದೇಶದ ಜನಪ್ರತಿನಿಧಿಗಳು ಗಮನ ಹರಿಸುವುದು ಅಗತ್ಯ.