ಕಡಬದಲ್ಲಿ ಶೀಘ್ರ ಕೋರ್ಟ್ ಕಾರ್ಯಾರಂಭ

ಮೂರು ಎಕರೆ ಜಾಗ ಗುರುತು

ಕಡಬ ತಾಲೂಕಿನ ಜನರು ನ್ಯಾಯಾಲಯದ ಕಲಾಪಗಳಿಗೆ ಸುಳ್ಯ ಅಥವಾ ಪುತ್ತೂರಿಗೆ ತೆರಳಬೇಕಾಗುವುದನ್ನು ತಪ್ಪಿಸಲು ಕಡಬದಲ್ಲಿ ನ್ಯಾಯಾಲಯ ಸಂಕೀರ್ಣವಾದರೆ ಉತ್ತಮ. ಕಟ್ಟಡ ರಚನೆಯಾಗಲು ಕಾಲಾವಕಾಶ ಬೇಕಾಗಿರುವುದರಿಂದ ಬಾಡಿಗೆ ಕಟ್ಟಡದಲ್ಲಿ ಆರಂಭವಾಗಲಿದೆ. ಕಡಬದಲ್ಲಿ ಉಪನೋಂದಣಾಧಿಕಾರಿ ಕಚೇರಿಯನ್ನು ಕೂಡ ತೆರೆಯಬೇಕು.

ಕಡಬದಲ್ಲಿ ನ್ಯಾಯಾಲಯ ಚಟುವಟಿಕೆ ಆರಂಭಿಸುವ ನಿಟ್ಟಿನಲ್ಲಿ ಹೈಕೋರ್ಟ್ ಸೂಚನೆಯಂತೆ ಖಾಸಗಿ ಕಟ್ಟಡದಲ್ಲಿ ಪೂರ್ವಸಿದ್ಧತೆ ಮಾಡಲಾಗುತ್ತಿದೆ. ಕಟ್ಟಡ ಮಾಲೀಕರು ಮತ್ತು ಜಿಲ್ಲಾ ಸತ್ರ ನ್ಯಾಯಲಯದ ಮಧ್ಯೆ ಒಪ್ಪಂದ ಬಳಿಕ ಹೈಕೋರ್ಟ್ ಅನುಮತಿ ಪಡೆದು ಕಲಾಪ ಆರಂಭವಾಗಲಿದೆ.