ನಿತ್ಯಾನಂದ ಕೆಮ್ಮಣ್ಣು ಪುಣ್ಯಸ್ಮರಣೆ

ಉಡುಪಿ: ಜಿಲ್ಲಾ ಕರಾಟೆ ಸಂಘದ ಅಧ್ಯಕ್ಷರು, ಗ್ರಾಪಂ ಮಾಜಿ ಅಧ್ಯಕ್ಷರು ಹಾಗೂ ಕಾಂಗ್ರೆಸ್​ನ ಮುಖಂಡರೂ ಆಗಿದ್ದ ನಿತ್ಯಾನಂದ ಕೆಮ್ಮಣ್ಣು ಅವರ 5ನೇ ವರ್ಷದ ಪುಣ್ಯಸ್ಮರಣೆ ನಿಮಿತ್ತ ಕೆಮ್ಮಣ್ಣಿನ ಲಿಟ್ಲ್​ ಫ್ಲವರ್​ ಹಾಲ್​ನಲ್ಲಿರಕ್ತದಾನ ಶಿಬಿರ ಆಯೋಜಿಸಲಾಗಿತ್ತು.

ನಿತ್ಯಾನಂದ ಅಭಿಮಾನಿ ಬಳಗ, ಗ್ರಾಮೀಣ ಕಾಂಗ್ರೆಸ್​ ಕೆಮ್ಮಣ್ಣು, ಐಸಿವೈಎಂ ಕೆಮ್ಮಣ್ಣು, ಉಡುಪಿ ಜಿಲ್ಲಾ ಕರಾಟೆ ಶಿಕ್ಷಕರ ಸಂಘ, ಶ್ರೀ ಗಜಾನನ ಬಿಲ್ಲವರ ಸೇವಾ ಸಂಘ ಹೂಡೆ, ತೋನ್ಸೆ ಫ್ರೆಂಡ್ಸ್​ ಹೂಡೆ, ಉಡುಪಿ ಜಿಲ್ಲಾ ಸರ್ಕಾರಿ ಆಸ್ಪತ್ರೆಯ ರಕ್ತನಿಧಿ ವಿಭಾಗದ ಆಶ್ರಯದಲ್ಲಿ ರಕ್ತದಾನ ಶಿಬಿರ ನಡೆಯಿತು.

ರೋಹಿತಾಕ್ಷ, ರತನ್​ ಸುವರ್ಣ, ಜಾಯ್ಸ್​ವನ್​ ಡಿಸೋಜ,ಆಸೀಫ್​ ಹೂಡೆ, ಡಾ. ವೀಣಾ ಸಹಕರಿಸಿದರು. ನಿತ್ಯಾನಂದ ಕೆಮ್ಮಣ್ಣು ಅವರ ಅಭಿಮಾನಿಗಳು ಸ್ವಯಂ ಪ್ರೇರಣೆಯಿಂದ ರಕ್ತದಾನ ಮಾಡಿದರು. ಇಲಿಯಾಸ್​ ಕೆಮ್ಮಣ್ಣು ಕಾರ್ಯಕ್ರಮ ನಿರ್ವಹಿಸಿದರು.