ಸೇತುವೆಯಲ್ಲಿ ಸವಾರರ ಸರ್ಕಸ್

ವಿಜಯವಾಣಿ ಸುದ್ದಿಜಾಲ ಕುಂದಾಪುರ

ದಶಕ ಸಂದರೂ ಬಗೆಹರಿದಿಲ್ಲ ಸಮಸ್ಯೆ

ವರಾಹ ದೇವಳದ ಪಕ್ಕದಲ್ಲೇ ಸೇತುವೆಯಿದೆ. ಸೇತುವೆಯಿಂದ ಕೆಳಗಿಳಿಯುವ ಹಾದಿ ಕಮರಿನಿಂದ ಕೂಡಿದೆ. ಕಮರಿಗೆ ಇಳಿಸಿ ಹೆದ್ದಾರಿ ತಲುಪಿಸಲು ಎದೆ ಗಟ್ಟಿಬೇಕು. ದೇವಳಕ್ಕೆ ಬರುವ ಭಕ್ತರು, ಕಡಲ ಸೌಂದರ್ಯ ವೀಕ್ಷಿಸಲು ಬರುವ ಪ್ರವಾಸಿಗರು, ಪಡುಕೋಣೆ ಭಾಗಕ್ಕೆ ತೆರಳುವ ಸಹಸ್ರಾರು ನಾಗರಿಕರು ತೊಂದರೆ ಅನುಭವಿಸುತ್ತಿದ್ದಾರೆ. ಶಾಸಕರು, ಸಂಸದರು ಮತ್ತು ಸ್ಥಳೀಯ ಜನಪ್ರತಿನಿಧಿಗಳು ಗಮನಹರಿಸಿ ಕೂಡು ರಸ್ತೆ ಅಭಿವೃದ್ಧಿಗೆ ಕ್ರಮ ವಹಿಸಬೇಕು.

— ಗೋಪಾಲಕೃಷ್ಣ ನಾಡ ಸಾಮಾಜಿಕ ಕಾರ್ಯಕರ್ತ

ಸೇತುವೆ ನಿರ್ಮಾಣಗೊಂಡು ದಶಕ ಸಂದು ಹೋಗಿದೆ. ಆದರೂ ಸಮಸ್ಯೆ ಬಗೆಹರಿದಿಲ್ಲ. ಕೂಡು ರಸ್ತೆ ಎತ್ತರಿಸಿ ವಾಹನಗಳಿಗೆ ಅನುಕೂಲ ಮಾಡಿಕೊಡಿ ಎಂಬ ಮನವಿಗೆ ಸ್ಪಂದನ ಸಿಕ್ಕಿಲ್ಲ. ಪ್ರವಾಸಿಗರು, ಸ್ಥಳೀಯರು ಅತೀವ ತೊಂದರೆ ಎದುರಿಸುತ್ತಿದ್ದಾರೆ. ಇದರಿಂದ ಮರವಂತೆ ರಾಷ್ಟ್ರೀಯ ಹೆದ್ದಾರಿಯಿಂದ ಪಡುಕೋಣೆ ಭಾಗಕ್ಕೆ ಬಸ್ ಸೇವೆಯೂ ಸಿಗದಂತಾಗಿದೆ.

— ವಿಶ್ವನಾಥ್ ಪಡುಕೋಣೆ