ಚುಟುಕು ಪರಿಷತ್ ಸಾಹಿತ್ಯ ವೈಭವ

ತಾಲೂಕು ಚುಟುಕು ಸಾಹಿತ್ಯ ಪರಿಷತ್ ವತಿಯಿಂದ ಕೃತಿ ಬಿಡುಗಡೆ, ತುಳು, ಕನ್ನಡ ಕವಿಗೋಷ್ಠಿ ಸಹಿತ ಸಾಹಿತ್ಯ ವೈಭವ ಕಾರ್ಯಕ್ರಮ ಕದ್ರಿ ಶ್ರೀ ಮಂಜುನಾಥ ದೇವಳದ ಅಭಿಷೇಕ ಮಂದಿರದಲ್ಲಿ ಭಾನುವಾರ ಜರುಗಿತು.

ಕನ್ನಡ ಸಾಹಿತ್ಯ ಪರಿಷತ್ ಮಾಜಿ ಅಧ್ಯಕ್ಷ ಡಾ.ಹರಿಕೃಷ್ಣ ಪುನರೂರು ಅಧ್ಯಕ್ಷತೆ ವಹಿಸಿದ್ದರು. ಕರಾವಳಿ ಸಮೂಹ ಶಿಕ್ಷಣ ಸಂಸ್ಥೆ ಸ್ಥಾಪಕಾಧ್ಯಕ್ಷ ಎಸ್.ಗಣೇಶ್ ರಾವ್ ಉದ್ಘಾಟಿಸಿದರು. ಕಾಸರಗೋಡು ಜಿಲ್ಲಾ ಚುಸಾಪ ಅಧ್ಯಕ್ಷ ಶಿವರಾಮ ಕಾಸರಗೋಡು, ಮಂಗಳೂರು ತಾಲೂಕು ಮಾಜಿ ಅಧ್ಯಕ್ಷ ಪ್ರೊ.ಪಿ.ಕೃಷ್ಣಮೂರ್ತಿ, ಹಿರಿಯ ಕವಿಗಳಾದ ಗುಣಾಜೆ ರಾಮಚಂದ್ರ ಭಟ್, ಡಾ.ಸುರೇಶ ನೆಗಳಗುಳಿ, ರೇಮಂಡ್ ಡಿ’ಕುನ್ಹಾ ತಾಕೊಡೆ, ಸುಭಾಷ್ ಪೆರ್ಲ ಉಪಸ್ಥಿತರಿದ್ದರು. 

ತುಳು, ಕನ್ನಡ ಕವಿಗೋಷ್ಠಿ ನಡೆಯಿತು. ಸವಿತಾ ಕರ್ಕೇರ ಕಾವೂರು, ನಿಶಾನ್ ಅಂಚನ್, ಅನುರಾಧಾ ರಾಜೀವ್ ಸುರತ್ಕಲ್, ಜಯರಾಮ ಪಡ್ರೆ, ಅಶೋಕ ಎನ್.ಕಡೇಶಿವಾಲಯ, ಪ್ರಶಾಂತ್ ಆಚಾರ್ಯ ಎಡಪದವು, ನಳಿನಿ ಭಾಸ್ಕರ್ ರೈ ಮಂಚಿ, ಪದ್ಮನಾಭ ಪೂಜಾರಿ ನೇರಂಬೋಳು, ದೀಪಾ ಸದಾನಂದ, ಸೌಮ್ಯಾ ಆರ್.ಶೆಟ್ಟಿ, ವಿಶ್ವನಾಥ ಕುಲಾಲ್ ಮಿತ್ತೂರು, ಆರ್ಯನ್ ಸವಣಾಲ್, ಸೌಮ್ಯಾ ಗೋಪಾಲ್, ಹಂಸರಾಗ ಶೆಟ್ಟಿ, ವಿಘ್ನೇಶ ಕೆ.ಭಿಡೆ, ಎಂ.ಪಿ.ಬಷೀರ್‌ಅಹ್ಮದ್ ಬಂಟ್ವಾಳ, ಪಾರ್ವತಿ ಶಾಸ್ತ್ರಿ ಪುತ್ತೂರು, ಪರಿಮಳಾ ಮಹೇಶ್, ಎಂ.ಎ.ಮುಸ್ತಫಾ ಬೆಳ್ಳಾರೆ, ಸತೀಶ್ ಬಿಳಿಯೂರು, ಪ್ರೇಮಾ ಶ್ರೀಕೃಷ್ಣ, ಆಯಿಷಾ ಪೆರ್ನೆ, ಹರ್ಷಿತಾ ಎಸ್.ಶಾಂತಿಮೂಲೆ, ರಾಧಿಕಾ ಗಿರೀಶ್ ಮಯ್ಯ ಬಿ.ಸಿ.ರೋಡ್, ನಾರಾಯಣ ಕುಂಬ್ರ, ಮಂಡ್ಯ ಅನಾರ್ಕಲಿ ಸಲೀಂ, ಬದ್ರುದ್ದೀನ್ ಕೂಳೂರು, ಪ್ರದೀಪ್ ಕೊಟ್ಟಿಂಜ, ಬಿ.ಎಂ.ಆಕಾಶ್ ಭಾಗವಹಿಸಿದರು. ಗೀತಾ ಲಕ್ಷ್ಮೀಶ್ ಹಾಗೂ ಎನ್.ಸುಬ್ರಾಯ ಭಟ್ ಅಧ್ಯಕ್ಷತೆ ವಹಿಸಿದ್ದರು.

ದಿಶಾ ಸಿ.ಜಿ. ಪ್ರಾರ್ಥಿಸಿದರು. ಮಂಗಳೂರು ಚುಸಾಪ ಅಧ್ಯಕ್ಷ ಗೋಪಾಲಕೃಷ್ಣ ಶಾಸ್ತ್ರಿ ಸ್ವಾಗತಿಸಿದರು. ರಶ್ಮಿ ಸನಿಲ್, ರಾಜೇಶ್ವರಿ ಎಚ್.ಬಜ್ಪೆ ನಿರೂಪಿಸಿದರು. ಭಾಸ್ಕರ್ ಎ.ವರ್ಕಾಡಿ, ಸೌಮ್ಯಾ ಗೋಪಾಲ್ ನಿರ್ವಹಿಸಿದರು. 

ದ.ಕ. ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ ಗೌರವಾಧ್ಯಕ್ಷ ಇರಾ ನೇಮು ಪೂಜಾರಿ ಅವರ ‘ಚುಟುಕು ಕಾವ್ಯ ಕಾಮಿನಿ’ ಚುಟುಕು ಸಂಕಲನ ಹಾಗೂ ಅಧ್ಯಕ್ಷ ಹರೀಶ ಸುಲಾಯ ಒಡ್ಡಂಬೆಟ್ಟು ಅವರ ‘ಕೋಲ್ಮಿಂಚು’ ನ್ಯಾನೋ ಕತೆಗಳ ಸಂಕಲನವನ್ನು ಡಾ.ಹರಿಕೃಷ್ಣ ಪುನರೂರು ಬಿಡುಗಡೆಗೊಳಿಸಿದರು. ವಿ.ಸೀತಾಲಕ್ಷ್ಮೀ ವರ್ಮ, ಹಿತೇಶ್ ಕುಮಾರ್ ಎ. ಕೃತಿ ಪರಿಚಯಿಸಿದರು.