ಬುದ್ಧಿಯ ತೀಕ್ಷ್ಣತೆ ಹೆಚ್ಚಿಸುವ ಪಂದ್ಯ ಚೆಸ್

ಉಡುಪಿಯ ವಿದ್ಯೋದಯ ಪಬ್ಲಿಕ್ ಸ್ಕೂಲ್ನಲ್ಲಿ ಆಯೋಜಿಸಿದ್ದ ಚೆಸ್ ಪಂದ್ಯಾವಳಿಯನ್ನು ಪ್ರೊ.ಶರಣ ಕುಮಾರ್ ಉದ್ಘಾಟಿಸಿರು. ಯು.ಪದ್ಮರಾಜ್ ಆಚಾರ್ಯ, ಅನಿತಾ ಪಿ. ರಾಜ್, ಎಫ್.ಎ. ಸಾಕ್ಷತ್ ಇದ್ದರು.

Published on:

12 Sep 2026, 6:39 pm

* ಹಟ್ಟಿಯಂಗಡಿ ಶಾಲೆಯ ಪ್ರಾಂಶುಪಾಲ ಶರಣ ಕುಮಾರ್ ಅನಿಸಿಕೆ

* ವಿದ್ಯೋದಯ ಪಬ್ಲಿಕ್ ಸ್ಕೂಲ್ನಲ್ಲಿ ಪಂದ್ಯಾಟ ಉದ್ಘಾಟನೆ

ಉಡುಪಿ: ಎಲ್ಲ ಬಗೆಯ ಕ್ರೀಡೆಗಳಿಗೂ ಅದರದ್ದೇ ಆದ ಮಹತ್ವ, ವಿಶೇಷತೆ ಇರುತ್ತದೆ. ಅಲ್ಲದೆ, ಆಟಗಾರರಲ್ಲಿ ಕಿಚ್ಚು ಹೆಚ್ಚಿಸುತ್ತದೆ. ಆದರೆ, ಚೆಸ್ ಪಂದ್ಯ ಮಾತ್ರ ಬುದ್ಧಿಯ ತೀಕ್ಷ್ಣತೆಯನ್ನು ಇನ್ನಷ್ಟು ಹೆಚ್ಚಿಸುತ್ತದೆ ಎಂದು ಹಟ್ಟಿಯಂಗಡಿಯ ಶ್ರೀ ಸಿದ್ಧಿವಿನಾಯಕ ರೆಸಿಡೆನ್ಶಿಯಲ್ ಶಾಲೆಯ ಪ್ರಾಂಶುಪಾಲ ಶರಣ ಕುಮಾರ್ ಹೇಳಿದರು.

ಉಡುಪಿಯ ವಿದ್ಯೋದಯ ಟ್ರಸ್ಟ್ (ರಿ.)ನ ಅಂಗಸಂಸ್ಥೆ ವಿದ್ಯೋದಯ ಪಬ್ಲಿಕ್ ಸ್ಕೂಲ್ನಲ್ಲಿ ಶನಿವಾರ (ಸೆ.12) ಆಯೋಜಿಸಿದ್ದ ಎಐಸಿಎಸ್ ಅಂತರ್-ಶಾಲಾ ರ್ಯಾಪಿಡ್ ಚೆಸ್ ಪಂದ್ಯಾವಳಿ 'ಬ್ಯಾಟಲ್ ಆಫ್ ದಿ 64 ಸ್ಕ್ವೇರ್ಸ್' ಉದ್ಘಾಟಿಸಿ ಮಾತನಾಡಿದರು.

ಶಾಲಾ ಆಡಳಿತ ಮಂಡಳಿಯ ಖಜಾಂಚಿ ಯು.ಪದ್ಮರಾಜ್ ಆಚಾರ್ಯ, ಶಾಲೆಯ ಪ್ರಾಂಶುಪಾಲೆ ಅನಿತಾ ಪಿ. ರಾಜ್ ಉಪಸ್ಥಿತರಿದ್ದರು.

ಉಡುಪಿಯ ನಾರಾಯಣಗುರು ಚೆಸ್ ಅಕಾಡೆಮಿಯ ಸ್ಥಾಪಕ ಎಫ್.ಎ. ಸಾಕ್ಷತ್ ಮತ್ತು ಅವರ ತಂಡವು ಅತ್ಯಂತ ಸಮರ್ಥವಾಗಿ ಪಂದ್ಯಾವಳಿ ನಡೆಸಿಕೊಟ್ಟಿತು. 30ಕ್ಕೂ ಅಧಿಕ ಐಸಿಎಸ್ಇ ಹಾಗೂ ಸಿಬಿಎಸ್ಇ ಶಾಲೆಗಳ 300ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಪಂದ್ಯಾಟದಲ್ಲಿ ಭಾಗವಹಿಸಿದ್ದರು.

Udupi