ತ್ಯಾಜ್ಯದಲ್ಲಿ ನಗದು, ಚಿನ್ನಾಭರಣ ಪತ್ತೆ

ಪೊಯಿನಾಚಿ ಪರಂಬನ್ ನಿವಾಸಿ ಕೃಷ್ಣನ್ ಎಂಬವರ ಮನೆಯಿಂದ ಸಂಗ್ರಹಿಸಲಾದ ಪ್ಲಾಸ್ಟಿಕ್ ತ್ಯಾಜ್ಯ ಬೇರ್ಪಡಿಸುತ್ತಿದ್ದಾಗ ಚಿನ್ನ ಹಾಗೂ ನಗದು ಕಂಡು ಬಂದಿದೆ. ಕೃಷ್ಣನ್ ಅವರ ಪತ್ನಿ ಜಾನಕಿ ಇತ್ತೀಚೆಗೆ ನಿಧನರಾಗಿದ್ದು, ಅವರು ಉಪಯೋಗಿಸುತ್ತಿದ್ದ ಚೀಲದಲ್ಲಿ ಬಾಚಣಿಗೆ ಸೇರಿದಂತೆ ಕೆಲವೊಂದು ವಸ್ತುಗಳನ್ನು ತುಂಬಿಸಿಡಲಾಗಿತ್ತು.

ಸೋಮವಾರ ತ್ಯಾಜ್ಯ ಸಂಗ್ರಹಕ್ಕೆ ಬಂದ ಹಸಿರು ಕ್ರಿಯಾ ಸೇನೆ ಕಾರ್ಯಕರ್ತೆಯರಾದ ಕಮಲಾ ಹಾಗೂ ಮಮತಾ ಅವರಿಗೆ ಮನೆಯವರು ತ್ಯಾಜ್ಯವಿದ್ದ ಚೀಲವನ್ನು ನೀಡಿದ್ದರು. ಪ್ಲಾಸ್ಟಿಕ್ ತ್ಯಾಜ್ಯ ಬೇರ್ಪಡಿಸುತ್ತಿದ್ದಾಗ ಹಣ, ಚಿನ್ನ ಪತ್ತೆಯಾಗಿದ್ದು, ಸ್ಥಳದಲ್ಲೇ ಇವುಗಳನ್ನು ಕೃಷ್ಣನ್ ಅವರಿಗೆ ಹಸ್ತಾಂತರಿಸಿದ್ದಾರೆ. ಕಾರ್ಯಕರ್ತೆಯರ ಪ್ರಾವಾಣಿಕತೆಗೆ ಕೃಷ್ಣನ್ ಕುಟುಂಬ ಕೃತಜ್ಞತೆ ಸಲ್ಲಿಸಿದೆ.