ಮಕ್ಕಳ ಜ್ಞಾನ ವಿಸ್ತಾರಕ್ಕೆ ಶಿಬಿರ ಸಹಕಾರಿ

ಮಕ್ಕಳ ಜ್ಞಾನ ವಿಸ್ತಾರವಾಗಲು ಶಾಲಾ ಪಠ್ಯ ಪುಸ್ತಕಗಳ ಅಧ್ಯಯನಕ್ಕೆ ಹೊರತಾದ ಚಟುವಟಿಕೆಗಳು ಸಹಕಾರಿ ಎಂದು ಸಮಾಜ ಸೇವಕ ಸುರೇಶ್​ ಬೆಟ್ಟಿನ್​ ಹೇಳಿದರು.

ಕೋಟೇಶ್ವರದ ಬೀಜಾಡಿ ಕೆನರಾ ಕಿಡ್ಸ್​ ಸಂಸ್ಥೆ ಹಮ್ಮಿಕೊಂಡಿದ್ದ 14 ದಿನಗಳ ಬೇಸಿಗೆ ಶಿಬಿರದ ಸಮಾರೋಪ ಉದ್ಘಾಟಿಸಿ ಮಾತನಾಡಿದರು.

ಉಪನ್ಯಾಸಕಿ ಜಯಶೀಲ ಕಾಮತ್​, ಬೇಸಿಗೆ ಶಿಬಿರದ ಮಕ್ಕಳ ಪಾಲಕರಿಗೆ ಮಕ್ಕಳ ಹಾರೈಕೆ ಮಾರ್ಗದರ್ಶನ ಮಾಡಿದರು.

ಬೇಸಿಗೆ ಶಿಬಿರದ ಮಕ್ಕಳಿಂದ ವಿವಿಧ ಮನರಂಜನಾ ಕಾರ್ಯಕ್ರಮಗಳು ನಡೆದವು.

ಶಾಲಾ ಶಿಕ್ಷಕಿ ಸುಜಾತಾ ಶೆಟ್ಟಿ, ಶೋಭಾ ಐತಾಳ್​, ಮನಿಷಾ, ಲತಾ, ಮಲ್ಲಿಕಾ, ಕಲಾವತಿ, ದ್ರಾಕ್ಷಾಯಿಣಿ, ಜ್ಯೋತಿ, ರಾಜೀವಿ ವಿವಿಧ ಚಟುವಟಿಕೆಗಳನ್ನು ನಿರ್ವಹಿಸಿದರು. ಕರಾಟೆ ಶಿಕ್ಷಕ ನಟರಾಜ್​, ನೃತ್ಯ ಸಂಯೋಜಕ ಆಕಾಶ್​ ಹಾಗೂ ಸಂಗೀತ ನಿರ್ದೇಶಕ ರವಿ ಬನ್ನಾಡಿ ತಂಡ ಮನೋರಂಜನಾ ಕಾರ್ಯಕ್ರಮಗಳಿಗೆ ನಿರ್ದೇಶನ ನೀಡಿದರು.