ದಾನಿ ರಘುಪತಿ ಭಟ್ ಮನೆಯೊಳಗೆ ದೀಪ ಬೆಳಗಿ ಮಾತನಾಡಿ, ತಂದೆ-ತಾಯಿ, ಪತ್ನಿ ಮತ್ತು ಸಹೋದರಿ ನನ್ನ ಬದುಕಿನ ಬೇರೆ ಬೇರೆ ಕಾಲಘಟ್ಟದಲ್ಲಿ ಆಸರೆಯಾಗಿದ್ದಾರೆ. ಅವರೆಲ್ಲರಿಗೂ ನಾನು ಕೃತಜ್ಞ. ಆಶ್ರಯದಾನಕ್ಕೆ ವಿಶೇಷ ಮಹತ್ವವಿದ್ದು, ಆ ಸಂತಸ ಇಂದು ದಕ್ಕಿದೆ. ಯಕ್ಷಗಾನ ಕಲಾರಂಗವು ಸುಮನಸ್ಕರ ಕೂಟ. ನನಗೆ ಏನೂ ಶ್ರಮವಿಲ್ಲದೆ ಸುಂದರ ಮನೆ ನಿರ್ಮಿಸಿಕೊಟ್ಟಿದ್ದು, ಇಲ್ಲಿ ಅಂಕಿತನು ತಂದೆ-ತಾಯಿಯೊಂದಿಗೆ ಸುಖವಾಗಿರಲೆಂದು ಹಾರೈಸಿದರು.
ಕೆಪಿಎಸ್ ಹಿರಿಯಡ್ಕದ ಹಳೆಯ ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಶ್ರೀನಿವಾಸ ರಾವ್, ಹೆರ್ಗ ದಿನಕರ ಶೆಟ್ಟಿ, ಪ್ರಭಾವತಿ ವಿ. ಶೆಣೈ ಮಾತನಾಡಿದರು.
ಯು.ವಿಶ್ವನಾಥ ಶೆಣೈ, ಕೃಷ್ಣರಾಜ ತಂತ್ರಿ, ಸವಿತಾ, ಸಂಜನಾ, ಸಂಸ್ಥೆಯ ಉಪಾಧ್ಯಕ್ಷ ವಿ.ಜಿ. ಶೆಟ್ಟಿ, ಕೋಶಾಧಿಕಾರಿ ಕೆ. ಸದಾಶಿವ ರಾವ್ ಉಪಸ್ಥಿತರಿದ್ದರು. ಕಾಪು ಶಾಸಕ ಗುರ್ಮೆ ಸುರೇಶ ಶೆಟ್ಟಿ ಆಗಮಿಸಿ ಶುಭಹಾರೈಸಿ ಸಹಭೋಜನದಲ್ಲಿ ಪಾಲ್ಗೊಂಡರು.
