ಗಂಗೊಳ್ಳಿ ಅಳಿವೆಯಲ್ಲಿ ಬೋಟ್ ಮುಳುಗಡೆ

ಭಟ್ಕಳ ಮುಂಡಳ್ಳಿ ಮೂಲದ ನಾಗರಾಜ ಮೊಗೇರ ವಾಲೀಕತ್ವದ ‘ಶ್ರೀ ಬಾಲಾಂಜನೇಯ’ ಹೆಸರಿನ ಪರ್ಸಿನ್ ಬೋಟು 27 ಮೀನುಗಾರರೊಂದಿಗೆ ಗಂಗೊಳ್ಳಿಯಿಂದ ಮೀನುಗಾರಿಕೆಗೆ ತೆರಳಿತ್ತು. ಗಂಗೊಳ್ಳಿ ಬಂದರು ಸಮೀಪ ಅಳಿವೆ ಪ್ರದೇಶದಲ್ಲಿ ಅಲೆಗಳ ಹೊಡೆತಕ್ಕೆ ಬೋಟ್ ಒಳಗೆ ನೀರು ನುಗ್ಗಲಾರಂಭಿಸಿತು. ಬೋಟಿನಲ್ಲಿದ್ದ ಮೀನುಗಾರರು ಅಪಾಯದ ಮುನ್ಸೂಚನೆ ಅರಿತು ಗಂಗೊಳ್ಳಿ ಬಂದರಿನಲ್ಲಿರುವ ಬೋಟ್‌ಗಳಿಗೆ ವಾಹಿತಿ ನೀಡಿದ್ದು, ಸ್ಥಳೀಯ ಮೀನುಗಾರರು ಗಂಗೊಳ್ಳಿ ಕರಾವಳಿ ಕಾವಲು ಪೊಲೀಸರೊಂದಿಗೆ ಎರಡು ಬೋಟುಗಳಲ್ಲಿ ತೆರಳಿ ಅಪಾಯದಲ್ಲಿದ್ದ 27 ಮೀನುಗಾರರನ್ನು ರಕ್ಷಿಸಿದ್ದಾರೆ.

ಬೋಟ್ ಸಂಪೂರ್ಣ ಮುಳುಗಡೆಯಾಗಿದ್ದು, ಬಲೆ ಮತ್ತಿತರ ಸಲಕರಣೆಗಳು ಸಮುದ್ರ ಪಾಲಾಗಿ ಲಕ್ಷಾಂತರ ರೂಪಾಯಿ ನಷ್ಟ ಸಂಭವಿಸಿದೆ. ಪ್ರಾಣ ಹಾನಿ ಸಂಭವಿಸಿಲ್ಲ. ಅಲೆಗಳ ಅಬ್ಬರ ಹೆಚ್ಚಾಗಿರುವುದರಿಂದ ಮತ್ತು ಬೋಟು ನೀರಿನಲ್ಲಿ ಭಾಗಶಃ ಮುಳುಗಿರುವುದರಿಂದ ಬೋಟನ್ನು ಎಳೆ ತರಲು ಸಾಧ್ಯವಾಗಿಲ್ಲ. ಬೋಟಿನಲ್ಲಿದ್ದ 16 ಸ್ಥಳೀಯ ಮತ್ತು 11 ಒಡಿಶಾದ ಮೀನುಗಾರರ ಪೈಕಿ ಓರ್ವ ಮೀನುಗಾರನಿಗೆ ಗಾಯಗಳಾಗಿದ್ದು, ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಬಿ.ಶೇಖರ ಕುಂದರ್ ಮರವಂತೆ ಮತ್ತು ರಾಮಣ್ಣ ಉಪ್ಪುಂದ ಎಂಬುವರು ಅಪಾಯಕ್ಕೆ ಸಿಲುಕಿದ ಮೀನುಗಾರರನ್ನು ರಕ್ಷಿಸಲು ತಮ್ಮ ಬೋಟುಗಳನ್ನು ನೀಡಿ ವಾನವೀಯತೆ ಮೆರೆದಿದ್ದಾರೆ. ಸ್ಥಳೀಯರಾದ ಅಭಿಷೇಕ ಖಾರ್ವಿ ಮಲ್ಯರಬೆಟ್ಟು, ಚಂದ್ರಶೇಖರ ಖಾರ್ವಿ ಉಪ್ಪುಂದ, ಸಂದೇಶ ಎಸ್. ಮತ್ತು ಈಶ್ವರ ಲೋಕಪ್ಪ ತಾಂಡೇಲ ಗಂಗೊಳ್ಳಿ ಕರಾವಳಿ ಕಾವಲು ಪೊಲೀಸ್ ಠಾಣಾ ಇನ್‌ಸ್ಪೆಕ್ಟರ್ ರಮೇಶ ಕೆ., ಉಪನಿರೀಕ್ಷಕ ಸುಬ್ರಹ್ಮಣ್ಯ ಹಾಗೂ ಸಿಬ್ಬಂದಿಯೊಂದಿಗೆ ತೆರಳಿ ಮೀನುಗಾರರ ರಕ್ಷಣೆಗೆ ನೆರವಾದರು.