ಬಂಧು ಹಗಲು ಆರೈಕೆ ಕೇಂದ್ರ ಉದ್ಘಾಟನೆ

ಉಡುಪಿ: ಮುಂಬೈ ಡಾ. ಎ. ವಿ. ಬಾಳಿಗಾ ಚಾರಿಟೀಸ್​ ಮತ್ತು ಕಮಲ್​ ಎ. ಬಾಳಿಗಾ ಚಾರಿಟೇಬಲ್​ ಟ್ರಸ್ಟ್​ ಆಶ್ರಯದಲ್ಲಿ ಡಾ. ಎ. ವಿ. ಬಾಳಿಗಾ ಸ್ಮಾರಕ ಆಸ್ಪತ್ರೆಯಲ್ಲಿ ಕರ್ನಾಟಕ ಸರ್ಕಾರದ 'ಮಾನಸಧಾರ' ಯೋಜನೆಯಡಿ ಕಾರ್ಯನಿರ್ವಹಿಸುತ್ತಿರುವ ಬಂಧು ಹಗಲು ಆರೈಕೆ ಕೇಂದ್ರವನ್ನು ಲಯನ್ಸ್​ ಕ್ಲಬ್​ ವತಿಯಿಂದ ಉನ್ನತಿಕರಣಗೊಳಿಸಲಾಗಿದ್ದು, ಗುರುವಾರ ಲಯನ್ಸ್​ ಇಂಟರ್ನ್ಯಾಶನಲ್​ ಡಿಸ್ಟ್ರಿಕ್ಟ್​ 317 ಸಿ ಜಿಲ್ಲಾ ಗವರ್ನರ್​ ಸಪ್ನಾ ಸುರೇಶ್​ ಉದ್ಘಾಟಿಸಿದರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಡಾ. ಎ. ವಿ. ಬಾಳಿಗಾ ಸ್ಮಾರಕ ಆಸ್ಪತ್ರೆಯ ನಿರ್ದೇಶಕ ಡಾ. ಪಿ. ವಿ. ಭಂಡಾರಿ ಮಾತನಾಡಿ, ಸಮಾಜದ ಮುಖ್ಯವಾಹಿನಿಯಿಂದ ದೂರವಿರುವ ಮನೋರೋಗಿಗಳಿಗೆ ಇಂತಹ ಹಗಲು ಆರೈಕೆ ಕೇಂದ್ರಗಳು ಆಸರೆಯಾಗಿದ್ದು, ಕಳೆದ 10 ವರ್ಷಗಳಿಂದ ಈ ಸೇವಾ ಕೇಂದ್ರವು ನಿರಂತರವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದರು.

ಮುಖ್ಯ ಅತಿಥಿಗಳಾಗಿ ಲಯನ್ಸ್​ ಸಂಸ್ಥೆಯ ಹನೀಫ್​ ಮಹಮ್ಮದ್​, ವರುಣ್​ ಶೆಟ್ಟಿ, ರಾಜೀವ್​ ಕೋಟ್ಯಾನ್​, ಲಯನ್ಸ್​ ಕ್ಲಬ್​ ಮಣಿಪಾಲದ ಅಧ್ಯಕ್ಷ ಡಾ. ನಿಶಾಂತ್​ ಭಟ್​, ಕಾರ್ಯಕ್ರಮ ಸಂಯೋಜಕ ಡಾ. ಎಚ್​. ಗಣೇಶ್​ ಪೈ, ಸೌಜನ್ಯ ಶೆಟ್ಟಿ, ಮನೋವೈದ್ಯ ಡಾ. ಮಾನಸ್​, ಆಸ್ಪತ್ರೆಯ ಮನೋವೈದ್ಯ ಡಾ. ದೀಪಕ್​ ಮಲ್ಯ, ವೈದ್ಯಾಧಿಕಾರಿ ಡಾ. ಸುನೀಲ್​ ಕುಮಾರ್​, ಮನ@ಶಾಸ್ತ್ರಜ್ಞ ನಾಗರಾಜ ಮೂರ್ತಿ, ಹಿರಿಯ ಆಪ್ತ ಸಮಾಲೋಚಕಿ ಪದ್ಮಾ ರಾಘವೇಂದ್ರ ಉಪಸ್ಥಿತರಿದ್ದರು. ಕೇಂದ್ರದ ಮೇಲ್ವಿಚಾರಕಿ ಜಮಿಲಾ ವಂದಿಸಿದರು. ವಿಶ್ವೇಶ್ವರ ಹೆಗಡೆ ಕಾರ್ಯಕ್ರಮ ನಿರೂಪಿಸಿದರು.