ಬೆಳ್ತಂಗಡಿ: ಮಾದಕವಸ್ತು ಮಾರಾಟ ಮಾಡಲು ಯತ್ನಿಸುತ್ತಿದ್ದ ಬೆಳ್ತಂಗಡಿ ತಾಲೂಕಿನ ಕುವೆಟ್ಟು ಗ್ರಾಮದ ಆಲಂದಿಲ ನಿವಾಸಿ ನೌಫಲ್(31) ಎಂಬಾತನನ್ನು ಬೆಳ್ತಂಗಡಿ ಪೊಲೀಸರು ಬಂಧಿಸಿದ್ದಾರೆ. ಸಬ್ ಇನ್ಸ್ಪೆಕ್ಟರ್ ಆನಂದ್ ಎಂ. ಮತ್ತು ತಂಡ ಶುಕ್ರವಾರ ರಾತ್ರಿ ರೌಂಡ್ಸ್ ಕರ್ತವ್ಯದಲ್ಲಿದ್ದಾಗ ರೆಂಕೆದಗುತ್ತು ಎಂಬಲ್ಲಿ ಸಾರ್ವಜನಿಕ ರಸ್ತೆ ಬದಿಯಲ್ಲಿ ಓರ್ವ ಪ್ಲಾಸ್ಟಿಕ್ ಚೀಲ ಹಿಡಿದು ಬೈಕ್ ಬಳಿ ನಿಂತುಕೊಂಡಿದ್ದ. ವಿಚಾರಿಸಿ ಚೀಲ ಪರಿಶೀಲಿಸಿದಾಗ ಮಾರಾಟ ಮಾಡಿ ಉಳಿದ ಸುಮಾರು 14 ಗ್ರಾಂ ಗಾಂಜಾ ಪತ್ತೆಯಾಗಿದೆ. ಮದಡ್ಕ್ಕದ ರಫೀಕ್ ಎಂಬಾತನಿಂದ ಖರೀದಿಸಿ ಮಾರಾಟ ಮಾಡಲು ಬಂದಿರುವುದಾಗಿ ತಿಳಿಸಿದ್ದಾನೆ. 14 ಗ್ರಾಂ ಗಾಂಜಾ, ಬೈಕ್, ಬ್ಯಾಟರಿ ಚಾಲಿತ ತೂಕದ ಮಾಪನವನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ತಲೆಮರೆಸಿಕೊಂಡಿರುವ ಮದಡ್ಕ ನಿವಾಸಿ ರಫೀಕ್ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
