ರೀಪಿನಿಂದ ಹಲ್ಲೆ, ಗಾಯಾಳು ಆಸ್ಪತ್ರೆಗೆ

crime

Published on:

05 Jul 2026, 2:08 pm

ಕಾರ್ಕಳ: ಕೆಸರಿನಲ್ಲಿ ಹೂತು ಹೋದ ಲಾರಿಯನ್ನು ಹೊರತೆಗೆಯುವ ವಿಚಾರದಲ್ಲಿ ಜಗಳ ನಡೆದು ವ್ಯಕ್ತಿಗೆ ಹಲ್ಲೆ ನಡೆಸಿದ್ದು, ಗಾಯಗೊಂಡಾತ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ತಾಲೂಕಿನ ಕಲ್ಯಾ ನಿವಾಸಿ ಓಬಯ್ಯ ಪೂಜಾರಿ ಎಂಬುವರು ಗುರುವಾರ ಕುಂಟಾಡಿಯಲ್ಲಿ ನಿಂತಿದ್ದಾಗ ಕಲ್ಲು ಕ್ವಾರಿಗೆ ಹೋಗುವ ಲಾರಿಯೊಂದು ಕೆಸರಿನಲ್ಲಿ ಹೂತು ಹೋಗಿದ್ದು, ಅದನ್ನು ತೆಗೆಯುವ ವಿಚಾರದಲ್ಲಿ ಸುರೇಂದ್ರ ರೈ ಮತ್ತು ಓಬಯ್ಯ ಅವರಿಗೆ ಮಾತಿಗೆ ಮಾತು ಬೆಳೆದು ಓಬಯ್ಯ ಅವರಿಗೆ ನಿಂದಿಸಿ ಹಲ್ಲೆ ನಡೆಸಲಾಗಿದೆ.

ನಂತರ ರಾತ್ರಿ ಓಬಯ್ಯ ಕುಂಟಾಡಿಯಲ್ಲಿದ್ದಾಗ ಸುರೇಂದ್ರ ರೀಪಿನಿಂದ ಹಲ್ಲೆ ನಡೆಸಿದ್ದು, ಅವರು ಕಾರ್ಕಳ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಹೆಚ್ಚಿನ ಚಿಕಿತ್ಸೆಗಾಗಿ ಉಡುಪಿ ಜಿಲ್ಲಾಸ್ಪತ್ರೆಗೆ ದಾಖಲಾಗಿದ್ದಾರೆ. ಈ ಕುರಿತು ಓಬಯ್ಯ ಪೂಜಾರಿ ನೀಡಿದ ದೂರಿನಂತೆ ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ರೀಪಿನಿಂದ ಹಲ್ಲೆ, ಗಾಯಾಳು ಆಸ್ಪತ್ರೆಗೆ

Related Stories

ಸಮಾಜಕ್ಕೆ ವಿಶ್ವೇಶತೀರ್ಥರ ಕೊಡುಗೆ ಸದಾ ಪ್ರೇರಣಾದಾಯಿ: ಪ್ರಧಾನಿ ಮೋದಿ

ಉಡುಪಿ ಜಿಲ್ಲೆಯಲ್ಲಿ ನಿಯಂತ್ರಿಸಿ ಮಾದಕ ದ್ರವ್ಯ ಮಾರಾಟ

ಸೆ.27ಕ್ಕೆ ವಿಭಾಗಮಟ್ಟದ ದಸರಾ ಕ್ರೀಡಾಕೂಟ

ಶಾರ್ಜಾದಲ್ಲಿ ಉಡುಪಿ ಮೂಲದ ವ್ಯಕ್ತಿಯ ಕೊಲೆ