ಎಣ್ಣೆಯ ಜತೆಗೆ ನಗದು ವಂಚಿಸಿದ ಆಸಾಮಿ

ಸ್ಕೂಟರ್‌ನಲ್ಲಿ ಬಂದ ಅಪರಿಚಿತನೊಬ್ಬ 200 ರೂ. ಮೌಲ್ಯದ ತೆಂಗಿನ ಎಣ್ಣೆ ಖರೀದಿಸಿದ್ದಾನೆ. ಬಳಿಕ ನನ್ನಲ್ಲಿ ನಗದು ಇಲ್ಲ ಅಲ್ಲದೆ ನನಗೆ 1 ಸಾವಿರ ರೂ. ಹಣದ ಅಗತ್ಯವಿದ್ದು ಎಣ್ಣೆಯ ಹಣ ಸೇರಿಸಿ 1200 ರೂ. ಗೂಗಲ್ ಪೇ ಮಾಡುತ್ತೇನೆ. 1 ಸಾವಿರ ರೂ. ನಗದು ಕೊಡಿ ಎಂದು ಅಂಗಡಿ ಮಾಲಕಿಯಲ್ಲಿ ವಿನಂತಿಸಿದ್ದಾನೆ. ಆತನ ಮಾತು ನಂಬಿದ ಅಂಗಡಿ ಮಾಲಕಿ ಆತನಿಗೆ 1 ಸಾವಿರ ರೂ. ನಗದು ಹಣ ನೀಡಿದ್ದಾರೆ. ಆತ ತನ್ನ ಮೊಬೈಲ್‌ನಲ್ಲಿ ಗೂಗಲ್ ಪೇ ಮಾಡಿದಂತೆ ನಟಿಸಿ, ಕ್ಷಣಾರ್ಧದಲ್ಲಿ ಸ್ಕೂಟರ್ ಏರಿ ತೆರಳಿದ್ದಾನೆ. ಸಂಶಯಗೊಂಡ ಅಂಗಡಿ ಮಾಲಕಿ ಪರಿಶೀಲಿಸಿದಾಗ ಖಾತೆಗೆ ಹಣ ಜಮೆಯಾಗದಿರುವುದು ಕಂಡು ಬಂದಿದೆ.