ಏ.18ರಂದು ಅಷ್ಟಪವಿತ್ರ ಶ್ರೀಮನ್​ ನಾಗಮಂಡಲೋತ್ಸವ

ಉಡುಪಿ: ಪೆರಂಪಳ್ಳಿ-ಮಣಿಪಾಲ ರಸ್ತೆ ಮಾರ್ಗದಲ್ಲಿರುವ ಸಾಯಿರಾಧಾ ಟೌನ್​ಶಿಪ್​ನ ನಾಗವನದಲ್ಲಿರುವ ನಾಗದೇವರ ಸನ್ನಿಧಿಯಲ್ಲಿ ಏ.18ರಂದು ನಾಗಪಾತ್ರಿಗಳಾದ ಕಕ್ಕುಂಜೆಯ ವೇದಮೂರ್ತಿ ನಾಗಾನಂದ ವಾಸುದೇವ ಆಚಾರ್ಯ ನೇತೃತ್ವದಲ್ಲಿ ಅಷ್ಟಪವಿತ್ರ ಶ್ರೀಮನ್​ ನಾಗಮಂಡಲೋತ್ಸವ ನಡೆಯಲಿದೆ. 

ಬೆಳಗ್ಗೆ 8 ಗಂಟೆಗೆ ದೇವತಾ ಪ್ರಾರ್ಥನೆ, ಗೋ ಪೂಜೆ, ಪ್ರಧಾನ ಪ್ರಾಯಶ್ಚಿತ್ತಾದಿ ಹೋಮ, ಕಲಾಭಿಷೇಕ, ತನುತುಂಬಿಲ ಸೇವೆ, ನಾಗದರ್ಶನ, ಪಲ್ಲಪೂಜೆ ನಡೆಯಲಿದೆ. 11 ಗಂಟೆಗೆ ದೈವದೇವರ ಸಾನ್ನಿಧ್ಯದಲ್ಲಿ ಪಂಜುರ್ಲಿಗೆ ವಿಶೇಷ ಪೂಜೆ, 11:30ಕ್ಕೆ ಮಹಾಪೂಜೆ, ವಟು-ಬ್ರಾಹ್ಮಣ, ಸುಹಾಸಿನಿ ಆರಾಧನೆ ನಡೆಯಲಿದೆ. ಮಧ್ಯಾಹ್ನ 12:30ಕ್ಕೆ ತೀರ್ಥ ಪ್ರಸಾದದ ವಿತರಣೆ ಬಳಿಕ ಅನ್ನ ಸಂತರ್ಪಣೆ ನೆರವೇರಲಿದೆ. ರಾತ್ರಿ 7:30ಕ್ಕೆ ಹಾಲಿಟ್ಟು ಸೇವೆ, 8:30ಕ್ಕೆ ನಾಗಮಂಡಲೋತ್ಸವ ನೆರವೇರಲಿದೆ. ರಾತ್ರಿ 12:30ಕ್ಕೆ ಪ್ರಸಾದ ವಿತರಣೆ, ಮಂತ್ರಾಕ್ಷತೆ ಇರಲಿದೆ.

ಏ.19ರಂದು ಪಂಜುರ್ಲಿ ಸನ್ನಿಧಿಯಲ್ಲಿ ಸಂಜೆ 6:30ಕ್ಕೆ ಭಂಡಾರ ಇಳಿಯುವುದು, ರಾತ್ರಿ 7ರಿಂದ ಅನ್ನ ಸಂತರ್ಪಣೆ, ರಾತ್ರಿ 8:30ರಿಂದ ನೇಮೋತ್ಸವ ಪ್ರಾರಂಭವಾಗಲಿದೆ ಎಂದು ಸಾಯಿರಾಧಾ ಸಮೂಹ ಸಂಸ್ಥೆಗಳ ಮಾಲೀಕ ಮನೋಹರ್​ ಎಸ್​. ಶೆಟ್ಟಿ ತಿಳಿಸಿದ್ದಾರೆ.