ಹಾವು ಕಚ್ಚಿ ಅಂಗನವಾಡಿ ಬಾಲಕಿ ಅಸ್ವಸ್ಥ

ಅಂಗನವಾಡಿ ಕಾರ್ಯಕರ್ತೆ ಸರಿತಾ ಬಿಎಲ್‌ಒ ಕರ್ತವ್ಯದ ನಿಮಿತ್ತ ಹೊರಗಡೆ ತೆರಳಿದ್ದರಿಂದ ಕೇಂದ್ರದಲ್ಲಿ ಅಡುಗೆ ಸಹಾಯಕಿ ಅಶ್ವಿತಾ ಮಾತ್ರ ಇದ್ದರು. ಅವರು ಮಕ್ಕಳ ಊಟ ತಯಾರಿಗೆಂದು ಅಡುಗೆ ಕೋಣೆಗೆ ತೆರಳಿದ ಸಂದರ್ಭ ಶಹಾದಿಯಾ ಮತ್ತು ಮತ್ತಿಬ್ಬರು ಬಾಲಕಿಯರು ಆಟವಾಡಲೆಂದು ಪಕ್ಕದ ಕೋಣೆಯಲ್ಲಿದ್ದ ಆಟಿಕೆಯಿರುವ ಗೋಣಿ ತೆಗೆಯಲು ಹೋದಾಗ ಶಹಾದಿಯಾಗೆ ಹಾವು ಕಚ್ಚಿದೆ.

ಅಡುಗೆ ಸಹಾಯಕಿ ಬಂದು ನೋಡಿದಾಗ ಮಗುವಿನ ಕೈಯಲ್ಲಿ ಕಚ್ಚಿರುವ ಗುರುತು ಕಂಡಿದ್ದು, ಅಲ್ಲೇ ಕಣಜ ಹುಳು ಹಾರುತ್ತಿದ್ದರಿಂದ ಅದು ಕಚ್ಚಿರಬಹುದೆಂದು ತಿಳಿದು ಪಾಲಕರಿಗೆ ಕರೆ ಮಾಡಿದ್ದಾರೆ. ಪಾಲಕರು ಪರಿಶೀಲಿಸಿದಾಗ ಆಟಿಕೆಯಿದ್ದ ಮೂಲೆಯಲ್ಲಿ ಹಾವು ಪತ್ತೆಯಾಗಿದೆ.