ಯುವ ಪೀಳಿಗೆಗೆ ಕೃಷಿಯ ಅರಿವು

ಯುವ ಸಮಾಜ ಸಾಂಪ್ರದಾಯಿಕ ಕೃಷಿ ಬಗ್ಗೆ ತಿಳಿವಳಿಕೆ ಪಡೆದು ವೈಜ್ಞಾನಿಕ ತತ್ವಗಳನ್ನು ಸೇರಿಸಿಕೊಂಡಲ್ಲಿ ಲಾಭದಾಯಕವಾಗುವ ಕೃಷಿಯ ಬಗ್ಗೆ ಇಂದಿನ ಯುವಪೀಳಿಗೆಗೆ ತಿಳಿಸುವುದು ಅಗತ್ಯ ಎಂದು ಮೂಲ್ಕಿ ಸರ್ಕಾರಿ ಪದವಿ ಪೂರ್ವ ಕಾಲೇಜು ಪ್ರಾಂಶುಪಾಲ ಡಾ.ವಾಸುದೇವ ಬೆಳ್ಳೆ ಹೇಳಿದರು.

ಪಾವಂಜೆಯ ನಂದಿನಿ ನದಿ ತಟದ ನಿನಾದ ರಂಗಮಂದಿರದ ವಠಾರದಲ್ಲಿ ಪಾವಂಜೆ ನಿನಾದ ತುಳು ಸಂಸ್ಕೃತಿ ಅಧ್ಯಯನ ಕೇಂದ್ರ, ಶ್ರೀ ವಾಣಿ ಶಾಲೆ ಆಶ್ರಯದಲ್ಲಿ ಕೃಷಿ ನಿನಾದ ಕೆಸರಿನಿಂದ ಉಸಿರು ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ರಂಗಕರ್ಮಿ ಚಂದ್ರಶೇಖರ ಸುವರ್ಣ ವಿದ್ಯಾರ್ಥಿಗಳೊಂದಿಗೆ ನಡೆದ ಸಂವಾದದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಹಿರಿಯ ಕೃಷಿಕ ಪಾವಂಜೆ ಗಂಗಾ ದೇವಾಡಿಗ ಅವರನ್ನು ಗೌರವಿಸಲಾಯಿತು. ಸಂಪನ್ಮೂಲ ವ್ಯಕ್ತಿಯಾಗಿ ಅಕ್ಷತಾ ನವೀನ್ ಶೆಟ್ಟಿ ಎಡ್ಮೆಮಾರ್, ಶ್ರೀ ವಾಣಿ ಶಾಲೆ ಮುಖ್ಯ ಶಿಕ್ಷಕರಾದ ವಿಮಲಾ ಕೆ.ಪ್ರಭು, ಪ್ರಶಸ್ತಿ ವಿಜೇತ ಕೃಷಿಕ ಬಾಲಚಂದ್ರ ಸನಿಲ್ ಮತ್ತಿತರರು ಮಾತನಾಡಿದರು.

ಮುಖ್ಯ ಅತಿಥಿಗಳಾಗಿ ಯಾದವ ದೇವಾಡಿಗ ಹಳೆಯಂಗಡಿ, ಕಡಂಬೋಡಿ ಮಹಾಬಲ ಪೂಜಾರಿ, ಅರುಣ್ ಕುಮಾರ್ ಪಿ., ರಾಜಾರಾಮ್ ಸಾಲ್ಯಾನ್, ಯಶೋಧರ್ ಸಾಲ್ಯಾನ್ ಮತ್ತಿತರರು ಉಪಸ್ಥಿತರಿದ್ದರು. ಜನಪದ ವಿದ್ವಾಂಸ ಡಾ.ಗಣೇಶ್ ಅಮಿನ್ ಸಂಕಮಾರ್ ಸ್ವಾಗತಿಸಿದರು. ಜಯಂತಿ ಸಂಕಮಾರ್ ವಂದಿಸಿದರು. ಅನು ಧೀರಜ್, ಭವ ರಿತ್ವಿಕ್ ನಿರೂಪಿಸಿದರು.