ಹೆಬ್ರಿ ದೇವಳಕ್ಕೆ ಹೆಚ್ಚುವರಿ ಪೊಲೀಸ್ ಅಧಿಕ್ಷಕ ಭೇಟಿ

ರಾಷ್ಟ್ರೀಯ ಹೆದ್ದಾರಿಗಾಗಿ ಹೆಬ್ರಿಯ ಶ್ರೀ ಅನಂತಪದ್ಮನಾಭ ದೇವಸ್ಥಾನದ ಜಾಗ ಹೋಗಲಿದ್ದು, ಈ ಬಗ್ಗೆ ದೇವಾಲಯದ ವಾಸ್ತುವಿಗೆ ತೊಂದರೆಯಾಗದಂತೆ ‘ದೇವಸ್ಥಾನ ಉಳಿಸಿ’ ಎಂದು ಹೆಬ್ರಿ ತಾಲೂಕು ಆಡಳಿತ ಮೂಲಕ ಮನವಿ ಸಲ್ಲಿಸಿದ ಹಿನ್ನೆಲೆಯಲ್ಲಿ ಭೇಟಿ ನೀಡಿದರು.

ಹೆದ್ದಾರಿ ಕಾಮಗಾರಿ ನಡೆಯುವಾಗ ಯಾವುದೇ ರೀತಿಯ ಶಾಂತಿಭಂಗವಾಗಬಾರದು. ದೇವಸ್ಥಾನದ ಬೇಡಿಕೆಯಂತೆ 15 ಅಂಗಡಿಗಳನ್ನು ಬಿಟ್ಟು ಕಾಮಗಾರಿ ನಡೆಸಲು ಕೇಳಿಕೊಂಡಿದ್ದಾರೆ. ಅದರಂತೆ ಹೆದ್ದಾರಿ ಇಲಾಖೆಯವರು ಪರಿಶೀಲನೆ ನಡೆಸಿ, ಯಾವುದೇ ಸಮಸ್ಯೆ ಬಾರದ ಹಾಗೆ ಕ್ರಮ ಜರುಗಿಸುವಂತೆ ಸುಧಾಕರ್ ಎಸ್.ನಾಯ್ಕ ತಿಳಿಸಿದರು.

ದೇವಸ್ಥಾನದ ಮುಂಭಾಗದಲ್ಲಿರುವ ನಾಲ್ಕು ವಾಣಿಜ್ಯ ಮಳಿಗೆಗಳಿಗೆ ವಾತ್ರ ಭೂಸ್ವಾಧೀನ ಪ್ರಕ್ರಿಯೆ ಕೈಗೊಂಡು, ನೋಟಿಸ್ ನೀಡಲಾಗಿದೆ. ದೇವಸ್ಥಾನದ ಕಟ್ಟಡ, ಪ್ರಾಂಗಣ ಅಥವಾ ರಥ ಸಂಚಲನಕ್ಕೆ ಯಾವುದೇ ರೀತಿಯ ಹಾನಿಯಾಗುವುದಿಲ್ಲ.

ದೇವಸ್ಥಾನದ ಮುಂಭಾಗದಲ್ಲಿರುವ ವಾಣಿಜ್ಯ ಮಳಿಗೆಗಳಿಗೆ ಸಂಬಂಧಿಸಿದ ಅಗತ್ಯ ದಾಖಲಾತಿಗಳನ್ನು ದೇವಸ್ಥಾನ ಸಮಿತಿ ಸಲ್ಲಿಸಿದ ತಕ್ಷಣ ಭೂ ಪರಿಹಾರ ಪಾವತಿಸಲು ಕ್ರಮ ಕೈಗೊಳ್ಳಲಾಗುವುದು ಎಂದು ರಾಷ್ಟ್ರೀಯ ಹೆದ್ದಾರಿ ಇಲಾಖೆ ತಿಳಿಸಿದೆ.

ದೇವಸ್ಥಾನದ ವತಿಯಿಂದ ಸುಧಾಕರ್ ಎಸ್.ನಾಯ್ಕ ಅವರನ್ನು ಗೌರವಿಸಲಾಯಿತು. ದೇವಸ್ಥಾನ ಆಡಳಿತ ಮೊಕ್ತೇಸರ ಹೆಬ್ರಿ ತಾರಾನಾಥ ಬಲ್ಲಾಳ್, ಡಿವೈಎಸ್ಪಿ ವಿಜಯ ಪ್ರಸಾದ್, ಸಿಪಿಐ ಸಂದೀಪ್, ಪಿಎಸ್‌ಐ ಚಂದ್ರ ಎ.ಕೆ., ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಎಇಇ ಮಂಜನ ಗೌಡ, ಎಇ ಶಶಿಧರ್ ನವೀನ್ ರಾಜ್, ಸ್ಥಳೀಯರಾದ ಪ್ರವೀಣ್ ಬಳ್ಳಾಲ್, ಭಾಸ್ಕರ್ ಜೋಯಿಸ್, ಬಿ.ಹರೀಶ್ ಪೂಜಾರಿ ಮತ್ತಿತರರಿದದ್ರು.