ಆಕ್ಸಿಡೆಂಟ್ ಜೋನ್ ಜಂಕ್ಷನ್!

ರಾಷ್ಟ್ರೀಯ ಹೆದ್ದಾರಿ 66ರ ಪಡುಬಿದ್ರಿ ಪೇಟೆ ಭಾಗದಲ್ಲಿನ ಸಮಸ್ಯೆ ಪರಿಹಾರಕ್ಕಾಗಿ ಫ್ಲೈಓವರ್, ಚರಂಡಿ ಹಾಗೂ ಇಕ್ಕೆಲಗಳಲ್ಲಿ ಸರ್ವೀಸ್ ರಸ್ತೆ ನಿರ್ಮಾಣ ಮಾಡುವಂತೆ ಗ್ರಾಪಂನಿಂದ ನಿರ್ಣಯ ಕೈಗೊಂಡು ಈಗಾಗಲೇ ಹೆದ್ದಾರಿ ಇಲಾಖೆಗೆ ಹಾಗೂ ಜನಪ್ರತಿನಿಧಿಗಳಿಗೆ ಪ್ರಸ್ತಾವನೆ ಸಲ್ಲಿಸಲಾಗಿದೆ.

ಅಪಘಾತ ವಲಯವಾಗಿರುವ ಪಡುಬಿದ್ರಿ ಜಂಕ್ಷನ್ ಸಂಚಾರ ಸಂಕಷ್ಟ ನಿವಾರಣೆಗಾಗಿ ಈಗಾಗಲೇ ಹೆದ್ದಾರಿ ವಿಭಜಕದಲ್ಲಿ ತಡೆಬೇಲಿ ಅಳವಡಿಸಲಾಗಿದೆ. ಇದರಿಂದ ಸ್ವಲ್ಪ ಮಟ್ಟಿನ ಅಪಘಾತ ನಿಯಂತ್ರಣವಾಗಿದೆ. ಎರಡೂ ಭಾಗದ ಸರ್ವೀಸ್ ರಸ್ತೆಯಿಂದ ಹೆದ್ದಾರಿ ಪ್ರವೇಶಿಸದಂತೆ ತಡೆಬೇಲಿ ಅಳವಡಿಕೆ, ಜಂಕ್ಷನ್‌ನಲ್ಲಿ ಜೀಬ್ರಾ ಪಟ್ಟಿ, ಬ್ಲಿಂಕ್‌ಆಫ್ ದೀಪ, ಪ್ರಖರ ಹೈಮಾಸ್ಟ್ ಹಾಗೂ ಬೀದಿ ದೀಪಗಳ ಅಳವಡಿಕೆ ಮಾಡುವಂತೆ ಪೊಲೀಸ್ ಇಲಾಖೆಯಿಂದ ಹೆದ್ದಾರಿ ಇಲಾಖೆಗೆ ಪತ್ರ ಬರೆಯಲಾಗಿದೆ. ಸರ್ವಿಸ್ ರಸ್ತೆಯಲ್ಲಿ ವಾಹನ ನಿಲುಗಡೆ ತಡೆಯುವುದಕ್ಕಾಗಿ ಪೊಲೀಸರು ಕಾರ್ಯನಿರತರಾಗಿದ್ದು, ಒಂದೂವರೆ ತಿಂಗಳಿನಿಂದ 80ರಿಂದ 100 ವಾಹನಗಳಿಗೆ ದಂಡ ವಿಧಿಸಲಾಗಿದೆ.