ಆಟಿ ಆಚರಣೆ ಸಂಸ್ಕೃತಿಯ ಪ್ರತೀಕ

ಆಟಿ ಆಚರಣೆ ಸಂಸ್ಕೃತಿಯ ಪ್ರತೀಕ. ತುಳುನಾಡಿನ ಆಟಿಯ ನೆನಪನ್ನು ಮುಂದಿನ ಪೀಳಿಗೆಗೆ ತಿಳಿಯಪಡಿಸುವ ಕಾರ್ಯ ಆಗಬೇಕು. ಈ ನಿಟ್ಟಿನಲ್ಲಿ ಇಲ್ಲಿನ ಮಹಿಳಾ ಸಮಾಜ ಉತ್ತಮ ಕೆಲಸ ಮಾಡುತ್ತಿದೆ ಎಂದು ಯುಗಪುರುಷದ ಭುವನಾಭಿರಾಮ ಉಡುಪ ಹೇಳಿದರು.

ಕಿನ್ನಿಗೋಳಿ ಯುಗಪುರುಷ ಸಭಾಭವನದಲ್ಲಿ ಕಿನ್ನಿಗೋಳಿ ಭ್ರಾಮರಿ ಮಹಿಳಾ ಸಮಾಜದ 19ನೇ ವಾರ್ಷಿಕೋತ್ಸವ, ಆಟಿ ಆಚರಣೆ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಸಾಧಕಿ ಡಾ.ದಿಯಾ ಆಳ್ವ, ಸ್ವಾತಿ, ಲಕ್ಷ್ಮಣಿ ಜಯ ಶೆಟ್ಟಿ ಕಿನ್ನಿಗೋಳಿ ಅವರನ್ನು ಸನ್ಮಾನಿಸಲಾಯಿತು. ಗ್ರಾಮೀಣ ಪ್ರತಿಭೆಗಳನ್ನು ಪ್ರತಿಭಾ ಪುರಸ್ಕಾರದಡಿ ಗೌರವಿಸಲಾಯಿತು. ಗೌರವಾಧ್ಯಕ್ಷೆ ಸಾವಿತ್ರಿ ಶೆಟ್ಟಿ ಅಧ್ಯಕ್ಷತೆ ವಹಿಸಿದ್ದರು. ಕಟೀಲು ಪದವಿ ಕಾಲೇಜಿನ ಮಾಜಿ ಪ್ರಾಧ್ಯಾಪಕಿ ಆಶಾಲತಾ ಶೆಟ್ಟಿ, ಕಿನ್ನಿಗೋಳಿ ಪಪಂ ಸದಸ್ಯರಾದ ದಾಮೋದರ ಶೆಟ್ಟಿ, ಕೋಕಿಲ ಡಿ.ಅಮೀನ್, ಪ್ರಕಾಶ್ ಆಚಾರ್ಯ, ಆದರ್ಶ ಬಳಗ ಅಧ್ಯಕ್ಷ ಯುವರಾಜ ಶೆಟ್ಟಿ, ಬಾಲ ಗಣೇಶೋತ್ಸ ಅಧ್ಯಕ್ಷ ಸತೀಶ್ ಪೂಜಾರಿ ಮತ್ತಿತರರು ಉಪಸ್ಥಿತರಿದ್ದರು. ಮೀರಾ ಶೆಟ್ಟಿ ಕೊಡೆತ್ತೂರು ಸ್ವಾಗತಿಸಿದರು. ಅಮಿತಾ ದಯಾನಂದ, ಅನುಷಾ ಕೊಡೆತ್ತೂರು ಸನ್ಮಾನ ಪತ್ರ ವಾಚಿಸಿದರು. ಸಂಧ್ಯಾ ರಾಜರಾಮ್ ವರದಿ ವಾಚಿಸಿದರು. ರೇವತಿ ಪುರುಷೋತ್ತಮ್ ನಿರೂಪಿಸಿದರು.