ಬಂದರಿನಲ್ಲಿ ಬರದ ಛಾಯೆ!

ಲಂಗರು ಹಾಕಿದ ಬೋಟ್‌ಗಳು

ಆರ್ಥಿಕ ನಷ್ಟಕ್ಕೆ ಮುಂಜಾಗ್ರತಾ ಕ್ರಮ

ಮೀನಿನ ಲಭ್ಯತೆ ಕಡಿಮೆ

ಗಂಗೊಳ್ಳಿಯಲ್ಲಿ ಕಳೆದ ಎರಡು ತಿಂಗಳಿನಿಂದ ಮತ್ಸೃಕ್ಷಾಮ ತಲೆದೋರಿದ್ದು, ಬಹುತೇಕ ಬೋಟ್‌ಗಳು ಗಂಗೊಳ್ಳಿಯಲ್ಲಿ ಲಂಗರು ಹಾಕಿವೆ. ಮತ್ಸೃಕ್ಷಾಮದಿಂದ ಈ ಭಾಗದ ಮೀನುಗಾರರು ಸಂಕಷ್ಟ ಅನುಭವಿಸುತ್ತಿದ್ದಾರೆ. ತಮ್ಮ ದೈನಂದಿನ ಖರ್ಚುಗಳನ್ನು ಸರಿದೂಗಿಸಲು ಮೀನುಗಾರರು ಕಷ್ಟಪಡುತ್ತಿದ್ದಾರೆ. ಆರಂಭದ ಕೆಲವು ತಿಂಗಳು ಹೊರತುಪಡಿಸಿದರೆ ಉಳಿದ ದಿನಗಳಲ್ಲಿ ಕಾಡುತ್ತಿರುವ ಮತ್ಸೃಕ್ಷಾಮದಿಂದ ಮೀನುಗಾರರು ಜೀವನ ನಡೆಸುವುದು ಕಷ್ಟಕರವಾಗುತ್ತಿದೆ. ಸರ್ಕಾರ ಮೀನುಗಾರರ ಸಂಕಷ್ಟಕ್ಕೆ ಸ್ಪಂದಿಸಬೇಕು.

ಕಳೆದ ಎರಡು ತಿಂಗಳಿನಿಂದ ಗಂಗೊಳ್ಳಿ ಬಂದರಿನಲ್ಲಿ ಮೀನುಗಾರಿಕಾ ಚಟುವಟಿಕೆ ಸಂಪೂರ್ಣವಾಗಿ ಸ್ತಬ್ಧಗೊಂಡಿದೆ. ಮೀನುಗಾರಿಕೆ ಇಲ್ಲದಿರುವುದರಿಂದ ದೈನಂದಿನ ಜೀವನ ನಡೆಸಲು ಕಷ್ಟವಾಗುತ್ತಿದೆ. ಮೀನುಗಾರಿಕೆಗೆ ತೆರಳಿದ ಬೋಟ್‌ಗಳು ಖಾಲಿಯಾಗಿ ವಾಪಸ್ ದಡಕ್ಕೆ ಬರುತ್ತಿರುವುದರಿಂದ ಮೀನುಗಾರ ಕಾರ್ಮಿಕರಿಗೆ ಕೆಲಸ ಇಲ್ಲದಂತಾಗಿದೆ. ಪ್ರತಿನಿತ್ಯ ಕಾದು ಕಾದು ಸುಸ್ತಾಗಿದ್ದು ಜೀವನ ನಡೆಸಲು ಬಹಳ ತೊಂದರೆಯಾಗಿದೆ.