ಅನಾಹುತಕ್ಕೆ ಬಾಯ್ದೆರೆದ ಗುಡ್ಡ ಪ್ರದೇಶ

ಎಲ್ಲೆಲ್ಲಿ ಕಾದಿದೆ ಅಪಾಯ?

ಎಲ್ಲವೂ ಮಾನವ ನಿರ್ಮಿತ!

ಪ್ರಕೃತಿ ವಿಕೋಪ ಆಗಬಾರದು ಎನ್ನುವುದು ನಮ್ಮೆಲ್ಲರ ಪ್ರಾರ್ಥನೆ, ಅನಾಹುತ ಆಗದಂತೆ ತಡೆಯುವ ನಿಟ್ಟಿನಲ್ಲಿ ಜಿಲ್ಲಾಮಟ್ಟದ ಸಭೆ ನಡೆಸಲಾಗಿದೆ. ಅಪಾಯಕಾರಿ ಪ್ರದೇಶದಲ್ಲಿ ವಾಸಿಸುವವರಿಗೆ ಸೂಚನೆ ನೀಡುವಂತೆ ಗ್ರಾಪಂಗೆ ಸೂಚನೆ ನೀಡಲಾಗಿದೆ. ಖಾಸಗಿ ಜಾಗದಲ್ಲಿ ತಡೆಗೋಡೆ ನಿರ್ಮಾಣ ವ್ಯವಸ್ಥೆ ಸರ್ಕಾರದಲ್ಲಿಲ್ಲ. ಅಪಾಯಕಾರಿ ಪ್ರದೇಶ ಇದ್ದರೆ ಮರಳಿನ ಗೋಣಿಚೀಲ ಇಟ್ಟು ಭದ್ರತೆ ಕಲ್ಪಿಸುವ ಕಾರ್ಯ ಸಂಬಂಧಪಟ್ಟ ಜಾಗದವರು, ಗ್ರಾಪಂ ಮಾಡಬೇಕಿದೆ. ಹಾನಿಯಾದರೆ ತಕ್ಷಣ ಪರಿಹಾರ ನೀಡಲು ಸೂಚಿಸಲಾಗಿದೆ.

ಮಳೆಗಾಲದಲ್ಲಿ ಜೀವ ಹಾನಿ ತಪ್ಪಿಸುವ ನಿಟ್ಟಿನಲ್ಲಿ ಗುಡ್ಡ ಕುಸಿತದ ಆತಂಕವಿರುವ, ಗುಡ್ಡದ ಮೇಲೆ ಮನೆ ಕಟ್ಟಿಕೊಂಡವರು ಖಾಲಿ ಮಾಡಿ ಒಂದೋ ಸಂಬಂಧಿಕರ ಮನೆಗಳಿಗೆ ತೆರಳಬೇಕು. ಇಲ್ಲವೇ ಕಾಳಜಿ ಕೇಂದ್ರಕ್ಕೆ ಬರಲು ಸಜ್ಜಾಗಿರಬೇಕೆಂದು ವಾರದೊಳಗೆ ನೋಟಿಸ್ ನೀಡುವಂತೆ, ಪ್ರತೀ ಗ್ರಾಪಂಗಳಲ್ಲಿ ಗ್ರಾಮಸ್ಥರ ಸಭೆ ನಡೆಸಿ ಅಪಾಯಕಾರಿ ಸ್ಥಳಗಳ ಮಾಹಿತಿ ಸಂಗ್ರಹಿಸುವಂತೆ ಪಿಡಿಒಗಳಿಗೆ ಸೂಚನೆ ನೀಡಲಾಗಿದೆ.