ಜಿಲ್ಲೆ ನೈಸರ್ಗಿಕವಾಗಿ ಪ್ರವಾಸೋದ್ಯಮ ಅಭಿವೃದ್ಧಿಗೆ ಪೂರಕ ಅಂಶಗಳನ್ನು ಒಳಗೊಂಡಿದೆ. ಪಶ್ಚಿಮಘಟ್ಟ, ಸುಂದರ ಕಡಲತೀರಗಳು, ದೇವಸ್ಥಾನಗಳು, ಐತಿಹಾಸಿಕ ಸ್ಥಳಗಳು ಇಲ್ಲಿನ ಬೆಲೆಕಟ್ಟಲಾಗದ ಸಂಪತ್ತುಗಳಾಗಿವೆ. ಜಿಲ್ಲೆಯ ಕಡಲ ಕಿನಾರೆಗಳು, ಜಲಪಾತಗಳು, ದೇವಸ್ಥಾನಗಳು, ಕಾಡಿನ ಪರಿಸರದಲ್ಲಿ ಸಮೀಕ್ಷೆ ಪೂರ್ಣಗೊಂಡು ವಿಷನ್ ಡಾಕ್ಯುಮೆಂಟ್ ಸಿದ್ಧಗೊಂಡಿದೆ. ಜಿಲ್ಲಾ ಉಸ್ತುವಾರಿ ಸಚಿವರಿಂದ ವಿಷನ್ ಡಾಕ್ಯುಮೆಂಟ್ ಪರಿಶೀಲನೆ, ಅಂಕಿತಗೊಂಡ ಬಳಿಕ ಮುಂದಿನ ಕಾರ್ಯಚಟುವಟಿಕೆ ನಡೆಯಲಿದೆ. ಈ ಸಮೀಕ್ಷೆಯಲ್ಲಿ ಪ್ರವಾಸೋದ್ಯಮ ವಿಷಯದ ಸ್ನಾತಕೋತ್ತರ ಪದವಿ ವಿದ್ಯಾರ್ಥಿಗಳು, ಪ್ರವಾಸೋದ್ಯಮ ತಜ್ಞರು, ಇಲಾಖೆ ಮುಖ್ಯಸ್ಥರು, ಸಂಘಟಕರು ಕೈ ಜೋಡಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
