ಮದ್ಯಪಾನಿ ಚಾಲಕರಿಗೆ 'ಖಾಕಿ' ಮೂಗುದಾರ...

ಮಣಿಪಾಲದಲ್ಲಿ 18 ಕಾರು, 3 ಬೈಕ್​ ವಶ

ಪೊಲೀಸರಿಂದ ವಿವಿಧೆಡೆ ನಾಕಾಬಂಧಿ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಮಣಿಪಾಲ ಪೊಲೀಸ್​ ಠಾಣಾ ವ್ಯಾಪ್ತಿಯ 5 ಸ್ಥಳಗಳಲ್ಲಿ ಉಡುಪಿ ಉಪವಿಭಾಗದ ಪೊಲೀಸರು ಜುಲೈ 19ರಂದು ರಾತ್ರಿ ನಾಕಾಬಂಧಿ ಹಾಕಿದ್ದು, ಮದ್ಯಪಾನ ಮಾಡುವ ಮೂಲಕ ವಾಹನ ಚಲಾಯಿಸುತ್ತಿದ್ದ ಚಾಲಕರಿಗೆ ಮೂಗುದಾರ ಹಾಕಿದ್ದಾರೆ.

ವಾಹನಗಳ ದಿಢೀರ್​ ತಪಾಸಣೆ ನಡೆಸಿ, 18 ಕಾರು ಮತ್ತು 3 ಬೈಕ್​ ಸೇರಿ 21 ವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ. ಮದ್ಯಪಾನದೊಂದಿಗೆ ವಾಹನ ಚಲಾಯಿಸುತ್ತಿರುವವರನ್ನು ಹಿಡಿದು, ಅವರ ವಿರುದ್ಧ ಮೋಟಾರು ವಾಹನ ಅಧಿನಿಯಮ ಕಾನೂನಿನಂತೆ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಸ್ಥಳದಲ್ಲೇ ವಾಹನ ಚಾಲಕರಿಗೆ ದಂಡ

ಉಡುಪಿ ಡಿವೈಎಸ್ಪಿ, ಮಣಿಪಾಲ ಪೊಲೀಸ್​ ನಿರೀಕ್ಷಕರ ನೇತೃತ್ವದಲ್ಲಿ ಉಡುಪಿ ನಗರ, ಉಡುಪಿ ಸಂಚಾರ, ಮಲ್ಪೆ ಹಾಗೂ ಮಣಿಪಾಲ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದರು.