ಬೀದಿ ನಾಯಿಗಳಿಗೆ ಆಹಾರ ಹಾಕಬೇಡಿ

ಸಾರ್ವಜನಿಕರಿಗೆ ಉಡುಪಿ ನಗರಸಭೆ ಸೂಚನೆ

ಶ್ವಾನಗಳಿಗೆ ತಿಂಡಿ ನೀಡಲು ವಿವಿಧೆಡೆ ಸ್ಥಳ ನಿಗದಿ

ವಿಜಯವಾಣಿ ಸುದ್ದಿಜಾಲ ಉಡುಪಿ

ನಗರಸಭೆಯ ವ್ಯಾಪ್ತಿಯ ಸಾರ್ವಜನಿಕ ಸ್ಥಳಗಳಲ್ಲಿ ಬೀದಿ ನಾಯಿಗಳಿಗೆ ಆಹಾರ ನೀಡುತ್ತಿರುವ ಕುರಿತು ಸಾರ್ವಜನಿಕರಿಂದ ದೂರುಗಳು ಬರುತ್ತಿವೆ. ಹೀಗಾಗಿ ಬೀದಿ ನಾಯಿಗಳಿಗೆ ಅನಧಿಕೃತವಾಗಿ ರಸ್ತೆ, ಚರಂಡಿಗಳ ಮೇಲೆ, ಶಾಲಾ ವಠಾರ, ಜನನಿಬಿಡ ಪ್ರದೇಶ, ಬಸ್​ ನಿಲ್ದಾಣ ಸೇರಿದಂತೆ ಇನ್ನಿತರ ಸ್ಥಳಗಳಲ್ಲಿ ಯಾರೂ ಸಹ ಆಹಾರ ಹಾಕಬಾರದು ಎಂದು ನಗರಸಭೆ ಸೂಚಿಸಿದೆ.

ತಿಂಡಿ ಕೊಡುವವರೇ ಹೊಣೆ

ಇನ್ನಿತರ ಯಾವುದೇ ನಿಗದಿತ ಸ್ಥಳಗಳಲ್ಲಿ ಬೀದಿ ನಾಯಿಗಳಿಗೆ ಆಹಾರ ಹಾಕಲು ಸಾರ್ವಜನಿಕರಿಗೆ ಆಸಕ್ತಿಯಿದ್ದಲ್ಲಿ ನಗರಸಭೆಗೆ ಲಿಖಿತ ಮನವಿ ಸಲ್ಲಿಸಬಹುದು. ಆಹಾರ ಹಾಕುವವರಿಗೆ ಅನುಮತಿ ಹಾಗೂ ಗುರುತಿನ ಚೀಟಿ ಕಡ್ಡಾಯ. ಆಹಾರ ಹಾಕುವವರೇ ಸದರಿ ಬೀದಿ ನಾಯಿಗಳಿಗೆ ರೇಬಿಸ್​ ಲಸಿಕೆ ಹಾಕಿಸಬೇಕು. ಅಲ್ಲದೆ, ಸಂತಾನಹರಣ ಶಸ್ತ್ರ ಚಿಕಿತ್ಸೆಯನ್ನೂ ನಡೆಸಬೇಕು. ಇದೂ ಸಹ ನಾಯಿಗಳಿಗೆ ತಿಂಡಿ ಕೊಡುವವರ ಹೊಣೆಯಾಗಿದೆ ಎಂದು ನಗರಸಭೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಕಾನೂನು ಕ್ರಮದ ಎಚ್ಚರಿಕೆ