ಪ್ರಾಂಶುಪಾಲರ ಅಧ್ಯಕ್ಷರಾಗಿ ಮಂಜುನಾಥ ಭಟ್​ ಆಯ್ಕೆ

ಉಡುಪಿ ಜಿಲ್ಲಾ ಪ.ಪೂ. ಪ್ರಾಂಶುಪಾಲರ ಸಂಘದ ಮಹಾಸಭೆ

ಗೌರವಾಧ್ಯಕ್ಷರಾಗಿ ಡಿಡಿಪಿಯು ಮಾರುತಿ ಆಯ್ಕೆ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಉಡುಪಿ ಜಿಲ್ಲಾ ಪದವಿಪೂರ್ವ ಪ್ರಾಂಶುಪಾಲರ ಸಂಘದ ಅಧ್ಯಕ್ಷರಾಗಿ ಹಿರಿಯಡ್ಕದ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲ ಮಂಜುನಾಥ ಭಟ್​ ಸರ್ವಾನುಮತದಿಂದ ಆಯ್ಕೆಯಾಗಿದ್ದಾರೆ.

ಕೋಟದಲ್ಲಿ ನಡೆದ ಸಂಘದ ಮಹಾಸಭೆಯಲ್ಲಿ 21 ನೂತನ ಪದಾಧಿಕಾರಿಗಳನ್ನು ನೇಮಕ ಮಾಡಲಾಗಿದ್ದು, ಸಂಘದ ಗೌರವಾಧ್ಯಕ್ಷರಾಗಿ ಉಡುಪಿ ಜಿಲ್ಲಾ ಶಾಲಾ ಶಿಕ್ಷಣ ಇಲಾಖೆ (ಪದವಿ ಪೂರ್ವ)ಯ ಉಪನಿರ್ದೇಶಕ ಮಾರುತಿ ಆಯ್ಕೆಯಾದರು.

ತಾಲೂಕು ನೋಡಲ್​ ಸೆಂಟರ್​ನ ಸದಸ್ಯರಾಗಿ ಲೀಲಾಬಾಯಿ ಭಟ್​, ಡಾ. ಸುಮಾ, ಅನ್ನಪೂರ್ಣಾ ಕಾಮತ, ರಾಮಕೃಷ್ಣ ಬಿ.ಜಿ. ಮತ್ತು ವೆಂಕಟರಮಣ ನಾಯಕ ಇವರನ್ನು ಆಯ್ಕೆ ಮಾಡಲಾಯಿತು.