ಸಂಗೀತದಿಂದ ಸಿಗಲಿದೆ ಸಂಸ್ಕೃತಿ, ಸಂಸ್ಕಾರ, ಸಮಾಧಾನ

ವಿದ್ವಾನ್​ ಪಿ.ಬಾಲಸುಬ್ರಹ್ಮಣ್ಯಂ ಅಭಿಪ್ರಾಯ | ಜಿಲ್ಲಾ ಮಟ್ಟದ ಭಕ್ತಿ ಸಂಗೀತ ಸ್ಪರ್ಧೆ

ವಿಜಯವಾಣಿ ಸುದ್ದಿಜಾಲ ಉಡುಪಿ
ಸಂಗೀತದಿಂದ ಸಕಲ ಸಂಸ್ಕೃತಿ, ಸಂಸ್ಕಾರ, ಸಂತೋಷ ಹಾಗೂ ಸಮಾಧಾನ ಲಭಿಸುತ್ತದೆ. ಹೀಗಾಗಿ ಯುವಪೀಳಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಸಂಗೀತ ಕ್ಷೇತ್ರದತ್ತ ಆಸಕ್ತಿ ಬೆಳೆಸಿಕೊಳ್ಳಬೇಕು ಎಂದು ಕರ್ನಾಟಕ ಕಲಾಶ್ರೀ, ಸಂಗೀತ ಗುರು ವಿದ್ವಾನ್​ ಮಧೂರು ಪಿ.ಬಾಲಸುಬ್ರಹ್ಮಣ್ಯಂ ಕರೆ ನೀಡಿದರು.

ಉಡುಪಿ ಗುಂಡಿಬೈಲಿನ ಬ್ರಾಹ್ಮಿ ಸಭಾಭವನದಲ್ಲಿ ಉಡುಪಿ ಜಿಲ್ಲಾ ಯುವ ಬ್ರಾಹ್ಮಣ ಪರಿಷತ್​ ಇತ್ತೀಚೆಗೆ ಆಯೋಜಿಸಿದ್ದ ಜಿಲ್ಲಾ ಮಟ್ಟದ ಭಕ್ತಿ ಸಂಗೀತ ಸ್ಪರ್ಧೆ 'ಸಂಗೀತ ಸಂಭ್ರಮ-2024' ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಶಾಂತಾ ಇಲೆಕ್ಟ್ರಿಕಲ್​ ಪೆ.ಲಿ.ನ ಎಂಡಿ ಉಚ್ಚಿಲ ಶ್ರೀಪತಿ ಭಟ್​ ಕಾರ್ಯಕ್ರಮ ಉದ್ಘಾಟಿಸಿ, ಶುಭ ಹಾರೈಸಿದರು. ವಿದುಷಿ ಉಷಾ ಹೆಬ್ಬಾರ್​ ಸ್ಪರ್ಧೆಯ ನೀತಿ, ನಿಯಮ ವಿವರಿಸಿದರು. ತೀರ್ಪುಗಾರರಾಗಿ ಉಡುಪಿಯ ವಿದ್ವಾನ್​ ಬಾಲಸುಬ್ರಹ್ಮಣ್ಯಂ, ವಿದುಷಿ ವಾರಿಜಾಕ್ಷಿ ಭಟ್​, ವಿದ್ವಾನ್​ ರಾಘವೇಂದ್ರ ಆಚಾರ್ಯ, ವಿದುಷಿ ಲಲಿತಾ ಕಲ್ಕೂರ್​, ವಿದ್ವಾನ್​ ಶ್ರೀಧರ ಆಚಾರ್ಯ ಹಾಗೂ ವಿದ್ವಾನ್​ ನಟರಾಜ್​ ಸಹಕರಿಸಿದರು.

ಪ್ರಧಾನ ಕಾರ್ಯದರ್ಶಿ ರಾಜೇಶ್​ ಭಟ್​ ಪಣಿಯಾಡಿ ಸ್ವಾಗತಿಸಿದರು. ಅಧ್ಯಕ್ಷ ಚಂದ್ರಕಾಂತ್​ ಕೆ.ಎನ್​. ಪ್ರಾಸ್ತಾವಿಕವಾಗಿ ಮಾತನಾಡಿದರು. ಕೋಶಾಧಿಕಾರಿ ಕುಮಾರಸ್ವಾಮಿ ಉಡುಪ ವಂದಿಸಿದರು. ದಿವ್ಯಾ ಪಾಡಿಗಾರು ಕಾರ್ಯಕ್ರಮ ನಿರೂಪಿಸಿದರು.

ಸ್ಪರ್ಧೆಯ ಫಲಿತಾಂಶ

5ರಿಂದ 10 ವರ್ಷ: ಶ್ರೀಪಾಲ ಭಟ್​ ಗುಂಡಿಬೈಲ್​ (ಪ್ರ), ಪ್ರಣತಿ ನಾವಡ ತ್ರಾಸಿ (ದ್ವಿ), ಸಾಂಘವಿ ಹಿಳ್ಳೆಮನೆ ಮಣಿಪಾಲ (ತೃ), ಸಮಾಧಾನಕರ- ಸಾನ್ವಿ ಭಟ್​ ಅಂಬಲಪಾಡಿ ಮತ್ತು ಕೃತಿ ಭಟ್​ ಕನ್ನರ್ಪಾಡಿ.

10ರಿಂದ 15 ವರ್ಷ: ಪರ್ಜನ್ಯ ಕೆ. ರಾವ್​ ಕಡಿಯಾಳಿ (ಪ್ರ), ಪ್ರಾರ್ಥನಾ ಬೈಲೂರು (ದ್ವಿ), ಸ್ವಸ್ತಿ ಎಂ. ಭಟ್​ ಪರ್ಕಳ (ತೃ), ಸಮಾಧಾನಕರ- ಪ್ರಣವ್​ ಅಡಿಗ ಅಂಬಲಪಾಡಿ.

15ರಿಂದ 18 ವರ್ಷ: ಭಾರ್ಗವಿ ಎಚ್​.ಕೆ. ಬೈಲೂರು (ಪ್ರ), ಸುಮದ್ವ ತಂತ್ರಿ ಮುಚ್ಚಿಲ್​ ಕೋಡು (ದ್ವಿ), ಪ್ರಾರ್ಥನಾ ಪರ್ಕಳ (ತೃ). ಸಮಾಧಾನಕರ- ಅಮೃತ ಜಿ ಅಲೆವೂರು.

18+ ವರ್ಷ: ಪ್ರಸನ್ನ ರಾಮಕೃಷ್ಣ ಭಟ್​ ಉಡುಪಿ (ಪ್ರ), ಸುಮೇಧಾ, ಕುಕ್ಕಿ ಕಟ್ಟೆ (ದ್ವಿ), ಚಿತ್ಕಲಾ ಎಚ್​. ಪರ್ಕಳ (ತೃ). ಸಮಾಧಾನಕರ- ಡಾ. ಸುಪ್ರಭಾ ಬೈಲೂರು. ವಿಜೇತರಿಗೆ ಪ್ರಥಮ 5 ಸಾವಿರ ರೂ., ದ್ವಿತೀಯ 3 ಸಾವಿರ ರೂ. ತೃತೀಯ 2 ಸಾವಿರ ರೂ. ಹಾಗೂ ಸಮಾಧಾನಕರ 1 ಸಾವಿರ ರೂ. ನಗದು, ಬಹುಮಾನ, ಸ್ಮರಣಿಕೆ ಮತ್ತು ಅಭಿನಂದನಾ ಪತ್ರ ನೀಡಲಾಯಿತು. 146 ಸ್ಪರ್ಧಿಗಳು ಭಾಗವಹಿಸಿದ್ದರು.

ರಾಜ್ಯ ಮಟ್ಟದ ಸ್ಪರ್ಧೆಯನ್ನೂ ಆಯೋಜಿಸಿ

ಸಮಾರೋಪ ಹಾಗೂ ಬಹುಮಾನ ವಿತರಣೆ ಸಮಾರಂಭದಲ್ಲಿ ಅಧ್ಯಕ್ಷತೆ ವಹಿಸಿದ್ದ ವಿಜಯ ಗ್ರೂಪ್​ ಸಂಸ್ಥೆಗಳ ಅಧ್ಯಕ್ಷ ವಿಜಯ ರಾಘವ ರಾವ್​ ಮಾತನಾಡಿ, ವಿಪ್ರರಿಗಾಗಿ ಇಂತಹ ಭಕ್ತಿ ಸಂಗೀತ ಹಾಗೂ ಇತರ ಸ್ಪರ್ಧೆಗಳನ್ನು ಜಿಲ್ಲಾ ಮಟ್ಟದಿಂದ ರಾಜ್ಯ ಮಟ್ಟದಲ್ಲೂ ಪರಿಷತ್​ನವರು ಹಮ್ಮಿಕೊಳ್ಳುವಂತಾಗಲಿ ಎಂದು ಹಾರೈಸಿದರು. ಪರಿಷತ್​ ಅಧ್ಯಕ್ಷ ಚಂದ್ರಕಾಂತ್​ ಕೆ.ಎನ್​., ಭೀಮ ಜುವೆಲ್ಲರ್ಸ್​ನ ವಲಯ ವಕ್ತಾರ ಕಾರ್ತಿಕ್​ ರಾವ್​ ಉಪಸ್ಥಿತರಿದ್ದರು. ನಿಟ್ಟೂರು ಪ್ರೌಢಶಾಲೆಯ ನಿವೃತ್ತ ಶಿಕ್ಷಕ ಶ್ರೀನಿವಾಸ್​ ಭಟ್​ ಅಂಬಾಗಿಲು ಅವರನ್ನು ಸನ್ಮಾನಿಸಲಾಯಿತು. ಪರಿಷತ್​ನ ಮಾಜಿ ಅಧ್ಯಕ್ಷ ವಿಷ್ಣುಪ್ರಸಾದ್​ ಪಾಡಿಗಾರು ಸ್ವಾಗತಿಸಿದರು. ಪ್ರ.ಕಾ. ರಾಜೇಶ್​ ಭಟ್​ ಪಣಿಯಾಡಿ ವಂದಿಸಿದರು. ವಿವೇಕಾನಂದ ಪಾಂಗಣ್ಣಾಯ ನಿರೂಪಿಸಿದರು.