ಜಿಲ್ಲೆಯಲ್ಲಿ ಎರಡು-ಮೂರು ದಿನಗಳಲ್ಲಿ ಯಾಂತ್ರೀಕೃತ ಮೀನುಗಾರಿಕೆಗೆ ಅವಕಾಶ ನೀಡುವ ಬಗ್ಗೆ ನಿರ್ಧಾರಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ತಿಳಿಸಿದರು. ಬಂದರಿನಿಂದ ಮೀನುಗಾರಿಕೆ ಬೋಟ್ಗಳು ಒಮ್ಮೆಗೆ ಹೋಗುವಂತಿಲ್ಲ. ಅದೇ ರೀತಿ ಒಟ್ಟಿಗೆ ಬರುವಂತಿಲ್ಲ. ಜನ ಕೂಡ ಹೆಚ್ಚು ಸೇರುವಂತಿಲ್ಲ. ಅದಕ್ಕಾಗಿ ದಿನಕ್ಕೆ 30 ಬೋಟ್ಗಳಷ್ಟೇ ಮೀನುಗಾರಿಕೆಗೆ ತೆರಳಬೇಕು. ಒಮ್ಮೆಗೆ 10 ಬೋಟ್ಗಳಷ್ಟೇ ಮೀನು ಖಾಲಿ ಮಾಡಬೇಕೆಂದು ತಿಳಿಸಿದರು. ಮೀನುಗಾರಿಕೆ ನಡೆಸಿ ಮೀನನ್ನು ಬಂದರಿನಲ್ಲಿ ಹರಾಜು, ಮಾರಾಟ ಪ್ರಕ್ರಿಯೆ ಮಾಡುವಂತಿಲ್ಲ. ಬೋಟ್ನಿಂದ ಖಾಲಿ ಮಾಡಿದ ಮೀನನ್ನು ನೇರವಾಗಿ ಲಾರಿಗೆ ತುಂಬಿಸಬೇಕು. ಈ ಬಗ್ಗೆ ಮೀನುಗಾರರು ಹಾಗೂ ಮೀನುಗಾರಿಕಾ ಇಲಾಖಾ ಉಪನಿರ್ದೇಶಕರ ಜತೆ ಚರ್ಚೆ ಮಾಡಿದ್ದೇನೆ. ಉಳಿದ ಸಾಧಕ, ಬಾಧಕಗಳ ಬಗ್ಗೆ ಅಧ್ಯಯನ ನಡೆಸಿ ತೀರ್ಮಾನಕ್ಕೆ ಬರುವುದಾಗಿ ತಿಳಿಸಿದರು.
