ಮರಕ್ಕೆ ಕಾಟು ಡಿಕ್ಕಿ ಹೊಡೆದು ಇಬ್ಬರು ಸಾವು

ಬೆಳಗಾವಿ: ರಸ್ತೆ ಪಕ್ಕದ ಮರಕ್ಕೆ ಕಾರು ಡಿಕ್ಕಿ ಹೊಡೆದ ಪರಿಣಾಮ ಕಾರಿನಲ್ಲಿದ್ದ ಇಬ್ಬರು ಮೃತಪಟ್ಟಿರುವ ಟನೆ ಬೆಳಗಾವಿ&ಬಾಗಲಕೋಟೆ ರಾಜ್ಯ ಹೆದ್ದಾರಿನ ಸೋಮನಟ್ಟಿ ಬಳಿ ಭಾನುವಾರ ನಡೆದಿದೆ. ಬೆಳಗಾವಿ ತಾಲೂಕಿನ ಕರಿಕಟ್ಟಿ ಗ್ರಾಮದ ಚಾಲಕ ಸಚಿನ ಬೋರಿಮರದ(21) ಮತ್ತು ಬಾಲಕೃಷ್ಣ ಸುಲದಾಳ(19) ಮೃತರು. ತಮ್ಮೂರಿನಿಂದ ಸವದತ್ತಿ ತಾಲೂಕಿನ ಗೋವಿನಕೊಪ್ಪ ಗ್ರಾಮದಲ್ಲಿ ನಾಟಿ ಔಷಧ ತೆಗೆದುಕೊಳ್ಳಲು ತೆರಳಿದ್ದರು. ಔಷಧ ಪಡೆದುಕೊಂಡು ವಾಪಸ್​ ಬರುವಾಗ ಸೋಮನಟ್ಟಿ ಬಳಿ ನಿಯಂತ್ರಣ ತಪ್ಪಿದ ಕಾರು ಮರಕ್ಕೆ ಡಿಕ್ಕಿ ಹೊಡೆದಿದೆ. ನೇಸರಗಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.