ಎರ್ನಾಕುಲಂಗೆ ಪ್ರವಾಸಕ್ಕೆ ತೆರಳಿದ್ದ ಹಿರಿಯೂರು ಮೂಲದ ಇಬ್ಬರು ಸಾವು, ಹಲವರಿಗೆ ಗಾಯ

ಕುಟ್ಟಿಪುರಂ: ಎರ್ನಾಕುಲಂಗೆ ಪ್ರವಾಸಕ್ಕೆಂದು ಕರ್ನಾಟಕದಿಂದ ತೆರಳಿದ್ದವರ ವಾಹನಕ್ಕೆ ಲಾರಿ ಡಿಕ್ಕಿಯಾಗಿ ಇಬ್ಬರು ಮೃತಪಟ್ಟಿದ್ದು, ಆರು ಮಂದಿ ಗಂಭೀರ ಗಾಯಗೊಂಡಿದ್ದಾರೆ.

ಪಾಂಡುರಂಗ (34) ಮತ್ತು ಪ್ರಭಾಕರ್​ (50) ಮೃತರು. ಇವರನ್ನು ಚಿತ್ರದುರ್ಗದ ಹಿರಿಯೂರಿನವರು ಎಂದು ಗುರುತಿಸಲಾಗಿದೆ. ಪಾಂಡುರಂಗ ಅವರು ಹಿರಿಯೂರು ಪುರಸಭೆ ಸದಸ್ಯರು. ಇವರೊಂದಿಗೆ ಇದ್ದ 6 ಮಂದಿಗೆ ಗಂಭೀರ ಗಾಯವಾಗಿದ್ದು ಅವರನ್ನೆಲ್ಲ ವಾಲಂಚೇರಿ ಮತ್ತು ಪೆರಿಂದಲ್​ಮಣ್ಣ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಲಾರಿ ಡಿಕ್ಕಿಯಾದ ಪರಿಣಾಮ ಇವರ ವಾಹನ ಸಂಪೂರ್ಣ ಜಖಂ ಆಗಿದೆ.