ಈ ಕಾರಣದಿಂದಾಗಿ ಬೆಂಗಳೂರಿನಲ್ಲಿ ನಿರ್ಮಿಸಲು ಉದ್ದೇಶಿಸಿರುವ ಸುರಂಗ ಮಾರ್ಗಕ್ಕೆ ಶಂಕುಸ್ಥಾಪನೆ ನೆರವೇರಿಸುವ ಮುನ್ನ ತಾಂತ್ರಿಕ ಮಾಹಿತಿ ಸಂಗ್ರಹಿಸಲು ಪಾಲಿಕೆ ಮುಂದಾಗಿದೆ. ಸದ್ಯ ನಗರದಲ್ಲಿ ಮೆಟ್ರೋ ರೈಲಿಗಾಗಿ ಸುರಂಗ ಕೊರೆದಿದ್ದರೂ, ರಸ್ತೆ ಟನಲ್ ವಿಸ್ತಾರ 2-3 ಪಟ್ಟು ಹೆಚ್ಚಿರಲಿದೆ. ಸುರಂಗ ಕೊರೆಯಲು ಬೃಹತ್ ಯಂತ್ರವನ್ನು ವಿದೇಶದಿಂದ ತರಿಸಬೇಕಾಗುತ್ತದೆ. ಕಾಮಗಾರಿ ನಿರಂತರವಾಗಿ ನಡೆಯುವ ಜತೆಗೆ ಕೊರೆಯುವ ಯಂತ್ರದ ಕಾರ್ಯಕ್ಷಮತೆ, ಕೆಲಸಗಾರರ ಸುರಕ್ಷತೆ ಇತ್ಯಾದಿ ಅಂಶಗಳನ್ನು ಗಂಭೀರವಾಗಿ ಪರಿಗಣಿಸಬೇಕಿದೆ. ಹಾಗಾಗಿ ಈಗಾಗಲೇ ಜಾರಿಗೆ ಬಂದಿರುವ ಟನಲ್ ಯೋಜನೆ ಬಗ್ಗೆ ಅಧ್ಯಯನ ಕೈಗೊಳ್ಳಲಾಗುತ್ತಿದೆ ಎಂದು ಪಾಲಿಕೆ ಅಧಿಕಾರಿಗಳು ಹೇಳಿದ್ದಾರೆ.
