ವಾಹನದಲ್ಲಿ ಕೇವಲ ಒಂದುವರೆ ನಿಮಿಷದಲ್ಲಿ ಕಾರವಾರದಿಂದ ಬಿಣಗಾ ತಲುಪಬಹುದಾಗಿದೆ.
2016 ರಿಂದ ಮೇಲ್ಸೇತುವೆ ಹಾಗೂ ಸುರಂಗ ಮಾರ್ಗ ನಿರ್ಮಾಣ ಕಾಮಗಾರಿಯನ್ನು ಪ್ರಾರಂಭಿಸಲಾಯಿತು. ನಿರಂತರ ಏಳು ವರ್ಷಗಳ ಕಾಮಗಾರಿಯ ಬಳಿಕ ಅಂತೂ ಎರಡೂ ಸುರಂಗ ಹಾಗೂ ಮೇಲ್ಸೇತುವೆಗಳು ವಾಹನ ಸಂಚಾರಕ್ಕೆ ತೆರೆದುಕೊಂಡಿವೆ.
ಎಲ್ಲ ಕಾಮಗಾರಿ ಮುಗಿಸಿ:
ಮೇಲ್ಸೇತುವೆ ಹಾಗೂ ಸುರಂಗ ಕಾಮಗಾರಿ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಜಿಲ್ಲಾಧಿಕಾರಿ ಪ್ರಭುಲಿಂಗ ಕವಳಿಕಟ್ಟಿ ಕಾರವಾರ, ಅಂಕೋಲಾ ನಡುವೆ ಇನ್ನೂ 6 ಸ್ಥಳಗಳಲ್ಲಿ ಕಾಮಗಾರಿ ಮುಕ್ತಾಯವಾಗಬೇಕಿದ್ದು, ಅದನ್ನು ಶೀಘ್ರ ಮುಗಿಸುವಂತೆ ಸೂಚಿಸಲಾಗಿದೆ. ಇನ್ನು ಮಳೆಗಾಲದಲ್ಲಿ ಗುಡ್ಡ ಕುಸಿತ, ನೀರು ತುಂಬದಂತೆ ನೋಡಿಕೊಳ್ಳುವ ಜವಾಬ್ದಾರಿ ಚತುಷ್ಪಥ ನಿರ್ಮಾಣ, ನಿರ್ವಹಣೆಯ ಗುತ್ತಿಗೆ ಪಡೆದ ಐಆರ್ಬಿ ಕಂಪನಿಯದ್ದಾಗಿದೆ ಎಂದರು.
ಸಮರ್ಪಕ ವೇತನ ನೀಡಿ
ಶಾಸಕ ಸತೀಶ ಸೈಲ್ ಮೇಲ್ಸೇತುವೆ ಹಾಗೂ ಸುರಂಗವನ್ನು ಸೋಮವಾರ ಉದ್ಘಾಟಿಸಿದರು. ನಂತರ ಮಾತನಾಡಿದ ಅವರು, ಐಆರ್ಬಿ ಟೋಲ್ನಲ್ಲಿ ಇರುವ ಕಾರ್ಮಿಕರಿಗೆ ಕನಿಷ್ಠ ವೇತನ ನೀಡಬೇಕು. ಈ ಬಗ್ಗೆ ಜಿಲ್ಲಾಽಕಾರಿ ಅವರು ಸಭೆ ನಡೆಸಿ, ಸಮಸ್ಯೆ ಬಗೆಹರಿಸಬೇಕು ಎಂದರು. ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಸಾಯಿ ಗಾಂವಕರ್, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಸಮೀರ ನಾಯ್ಕ, ಪಕ್ಷದ ಜಿಲ್ಲಾ ವಕ್ತಾರ ಕೆ.ಶಂಭು ಶೆಟ್ಟಿ, ಇತರರು ಇದ್ದರು.
