ಪದೇಪದೇ ಗೈರು: ಬಿ.ಕೆ.ರುದ್ರಮುನಿ ವಿರುದ್ಧ ಕರ್ತವ್ಯದಲ್ಲಿ ತೋರುತ್ತಿದ್ದ ಉದಾಸೀನತೆ, ಪಕ್ಷಪಾತಧೋರಣೆ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಸಾಕಷ್ಟು ದೂರುಗಳು ಸ್ವೀಕೃತವಾಗಿದ್ದವು. ಅಲ್ಲದೆ, ಸಾಂದರ್ಭಿಕ ರಜೆಗಳು ಇಲ್ಲದೇ ಇದ್ದರು ಕಚೇರಿ ಮುಖ್ಯಸ್ಥರ ಪೂರ್ವಾನುಮತಿ ಪಡೆಯದೇ ಕಚೇರಿಗೆ ಪದೇಪದೇ ಗೈರಾಗಿ ಕೇಂದ್ರ ಸ್ಥಾನ ಬಿಟ್ಟು ತೆರಳುತ್ತಿದ್ದರಿಂದ ಸಾರ್ವಜನಿಕ ಕೆಲಸ ಕಾರ್ಯಗಳಿಗೆ ತೀವ್ರ ತೊಂದರೆಯಾಗುತ್ತಿತ್ತು. ಜವಾಬ್ದಾರಿ, ಹೊಣೆಕಾರಿಕೆಗಳನ್ನು ಮುತುವರ್ಜಿವಹಿಸಿ ನಿಭಾಯಿಸದೇ ಪಾಲಿಕೆ ದೈನಂದಿನ ಕಾರ್ಯಗಳಿಗೆ ತೊಂದರೆಯಾಗಿದ್ದು ಇವರ ಸೇವೆ ಈ ಕಚೇರಿಗೆ ಅಗತ್ಯವಿರುವುದಿಲ್ಲ ಎಂದು ಆಯುಕ್ತರ ಪತ್ರದಲ್ಲಿ ಖಾರವಾಗಿ ತಿಳಿಸಿದ್ದಾರೆ.
