ಶಿಫಾರಸ್ಸಾಗಿದ್ದು ರಂಗನಾಥ್​ ಹೆಸರು, ವೆಂಕಟೇಶ್​ಗೆ ಅದೃಷ್ಟ!

ತುಮಕೂರು: ಸರ್ಕಾರದಿಂದ ನಾಮನಿರ್ದೇಶನ ಮಾಡಿ ತುಮುಲ್​ ಅಧ್ಯಕ್ಷ ಸ್ಥಾನಕ್ಕೆ ಕುಣಿಗಲ್​ ಶಾಸಕ ಡಾ.ಎಚ್​.ಡಿ.ರಂಗನಾಥ್​ ಅವರನ್ನು ಕೂರಿಸಬೇಕು ಎಂದು ಜಿಲ್ಲೆಯ ನಾಲ್ಕು ಜನ ಕಾಂಗ್ರೆಸ್​ ಶಾಸಕರ ಸಹಿಯಿದ್ದ ಶಿಫಾರಸು ಪತ್ರಗಳನ್ನು ನೀಡಿದ ನಂತರ ಕಾರ್ಯತಂತ್ರ ಬದಲಿಸಿಕೊಂಡ ಸಹಕಾರ ಸಚಿವ ಕೆ.ಎನ್​.ರಾಜಣ್ಣ, ಪಾವಗಡ ಶಾಸಕ ಎಚ್​.ವಿ.ವೆಂಕಟೇಶ್​ ಹೆಸರನ್ನು ಮುನ್ನೆಲೆ ತಂದು ಡಿಸಿಎಂ ಡಿ.ಕೆ.ಶಿವಕುಮಾರ್​ಗೆ ಟಾಂಗ್​ ನೀಡಿದ್ದಾರೆ ಎಂಬ ಗುಸುಗುಸು ಕಾಂಗ್ರೆಸ್​ ಪಾಳಯದಲ್ಲಿಯೇ ಕೇಳಿಬಂದಿದೆ.

ಸಹಕಾರ ಸಚಿವ ಕೆ.ಎನ್​.ರಾಜಣ್ಣ ಹಾಗೂ ಡಿಸಿಎಂ ಡಿ.ಕೆ.ಶಿವಕುಮಾರ್​ ನಡುವೆ ರಾಜಕೀಯ ವಿಷಯದಲ್ಲಿ ಸಾಕಷ್ಟು ಭಿನ್ನಾಭಿಪ್ರಾಯವಿರುವುದು ರಾಜಕೀಯ ವಲಯದ ಬಹಿರಂಗ ಸತ್ಯ. ರಂಗನಾಥ್​ ಅವರನ್ನು ತುಮುಲ್​ ಅಧ್ಯಕ್ಷ ಸ್ಥಾನದಲ್ಲಿ ಕೂರಿಸಿ ಬಲ ಹೆಚ್ಚಿಸಿಕೊಳ್ಳಲು ಮಾಸ್ಟರ್​ಪ್ಲಾನ್​ ರೂಪಿಸಿದ್ದು ಕೆಎಂಎಫ್​ ಅಧ್ಯಕ್ಷ ಸ್ಥಾನದ ಮೇಲೆ ಕಣ್ಣಿಟ್ಟಿರುವ ಡಿಕೆಶಿ ಬಣಕ್ಕೆ ಸಹಕಾರ ಕ್ಷೇತ್ರದ ಆಲದಮರ ಎನ್ನಿಸಿಕೊಂಡಿರುವ ಕೆ.ಎನ್​.ರಾಜಣ್ಣ ಮಾಸ್ಟರ್​ಸ್ಟ್ರೊಕ್​ ನೀಡಿದ್ದಾರೆ.

ಎಲ್ಲರ ಸಹಕಾರದಿಂದ ತುಮುಲ್​ ಅಧ್ಯಕ್ಷ ಸ್ಥಾನಕ್ಕೆ ಆಯ್ಕೆಯಾಗಿದ್ದು ಎಲ್ಲಾ ಸದಸ್ಯರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಹಾಲು ಉತ್ಪಾದಕರ ಹಿತ ಕಾಯುವ ನಿಟ್ಟಿನಲ್ಲಿ, ಸಂಸ್ಥೆಯ ಬೆಳವಣಿಗೆಗೆ ಶ್ರಮಿಸುತ್ತೇನೆ.

ಎಚ್​.ವಿ.ವೆಂಕಟೇಶ್​

ತುಮುಲ್​ ಅಧ್ಯಕ್ಷ