ಕರ್ನಾಟಕದ ಸಮಗ್ರ ಅಭಿವೃದ್ಧಿಗೆ ಆದ್ಯತೆ

ನಗರದ ಎಸ್​ಐಟಿ ಕಾಲೇಜಿನ ಬಿರ್ಲಾ ಸಭಾಂಗಣದಲ್ಲಿ ಶನಿವಾರ ಕರ್ನಾಟಕ ಸಮಗ್ರ ಅಭಿವೃದ್ಧಿ ವೇದಿಕೆ ಆಯೋಜಿಸಿದ್ದ ಚಿಂತನ ಸಮಾವೇಶದ ಸಮಾರೋಪ ಭಾಷಣ ಮಾಡಿದ ಅವರು, ಬೆಂಗಳೂರಿನ ಅಭಿವೃದ್ಧಿಯೊಂದನ್ನೇ ರಾಜ್ಯದ ಅಭಿವೃದ್ಧಿ ಎಂದು ಭಾವಿಸುವ ಸೀಮಿತ ಮನೋಭಾವದಿಂದ ಹೊರಬಂದು ಸಮಗ್ರ ಕರ್ನಾಟಕದ ಪ್ರಗತಿಗೆ ಶ್ರಮಿಸಬೇಕಿದೆ ಎಂದು ಸಲಹೆನೀಡಿದರು.

ಬೆಂಗಳೂರು ಬೆಳೆದರೆ ರಾಜ್ಯ ಬೆಳೆದಂತೆ ಎಂಬ ಕಲ್ಪನೆಯಿಂದ ಹೊರಬಂದು ರಾಜ್ಯದ ಪ್ರತಿಯೊಂದು ಭಾಗದ ಅಭಿವೃದ್ಧಿಗೆ ಆದ್ಯತೆ ನೀಡುವುದು ಇಂದಿನ ಅನಿವಾರ್ಯತೆಯಾಗಿದೆ.

ಇತ್ತೀಚೆಗೆ ರಾಜ್ಯದ ಪ್ರಮುಖ ನಾಯಕರೊಬ್ಬರು ಇಡೀ ಜಗತ್ತು ಭಾರತವನ್ನು ಬೆಂಗಳೂರಿನ ಮೂಲಕವೇ ನೋಡುತ್ತಿದೆ ಎಂದು ಹೇಳಿದ್ದನ್ನು ಉಲ್ಲೇಖಿಸಿದ ಅವರು, ಇದ ಹೆಮ್ಮೆಯ ವಿಚಾರವೆನಿಸಿದರು ರಾಜ್ಯದ ಸಮತೋಲಿತ, ಸುಸ್ಥಿರ ಅಭಿವೃದ್ಧಿ ಮುಖ್ಯ. ಇಡೀ ಜಗತ್ತು ಇಂದಿನ ಭಾರತ ಹಾಗೂ ಬೆಂಗಳೂರಿನತ್ತ ಗಮನ ನೆಟ್ಟಿದ್ದು ದೇಶದ ಅಭಿವೃದ್ಧಿಯು ಕರ್ನಾಟಕ ಮುಖೇನೆ ಆಗಬೇಕಿದೆ. ಭಾರತದ ಒಟ್ಟಾರೆ ಬೆಳವಣಿಗೆಗೆ ಕರ್ನಾಟಕವು ನಾಯಕತ್ವವಹಿಸಬೇಕು ಎಂದರು. ದೇಶದಲ್ಲಿ ಶೇ. 55 ರಿಂದ 60 ರಷ್ಟು ಜಸಂಖ್ಯೆಯು 35 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದು ಈ "ಡೆಮೋಗ್ರಾಫಿಕ್​ ಡಿವಿಡೆಂಟ್​' (ಜನಸಂಖ್ಯಾ ಲಾಭಾಂಶ) ದೇಶದ ಅತಿ ದೊಡ್ಡ ಶಕ್ತಿಯಾಗಿದೆ. ಈ ಯುವಶಕ್ತಿ ಮತ್ತು ನೈಪುಣ್ಯತೆಯನ್ನು ಸರಿಯಾದ ಮಾರ್ಗದಲ್ಲಿ ಮುನ್ನಡೆಸಿದರೆ ಮಾತ್ರ ಅದು ಕರ್ನಾಟಕ ಹಾಗೂ ಇಡೀ ದೇಶಕ್ಕೆ ದೊಡ್ಡ ಆಸ್ತಿಯಾಗಲಿದೆ. ಯುವಜನರ ಸಾಮರ್ಥ್ಯವನ್ನು ದೇಶದ ಏಳಿಗೆಗಾಗಿ ಪರಿಣಾಮಕಾರಿಯಾಗಿ ಬಳಸಿಕೊಳ್ಳುವುದರ ಜತೆಗೆ ಎಚ್ಚರಿಕೆವಹಿಸುವ ಅಗತ್ಯವಿದೆ ಎಂದು ತಿಳಿಸಿದರು.

ವೃದ್ಧಾಶ್ರಮ ಹೆಚ್ಚುತ್ತಿವೆ: ರಾಜ್ಯದಲ್ಲಿ ಇಂದು ಐಟಿ-ಬಿಟಿ ಮೀರಿಸಿ ಮೀರಿಸುವ ಉದ್ಯಮಗಳಾಗಿ ವೃದ್ಧಾಶ್ರಮಗಳು ಬೆಳೆದಿವೆ. ಇದು ಪ್ರಮುಖ ಸಾಮಾಜಿಕ ಕಳವಳಕ್ಕೆ ಕಾರಣವಾಗಿದೆ. ಹೆತ್ತ ತಂದೆ -ತಾಯಿಗಳನ್ನು ವೃದ್ಧಾಶ್ರಮಕ್ಕೆ ಸೇರಿಸುವುದು ಪ್ರಸ್ತುತ ದಿನಗಳಲ್ಲಿ ಒಂದು ಯಶಸ್ವಿ ಬಿಸಿನೆಸ್​ ಮಾಡೆಲ್​ ಆಗಿ ಮಾರ್ಪಡುತ್ತಿವೆ. ಸುಶಿಕ್ಷಿತ ಯುವಕರು ಐಟಿ-ಬಿಟಿ ಕ್ಷೇತ್ರದಲ್ಲಿ ಉನ್ನತ ಹುದ್ದೆ ಗಿಟ್ಟಿಸಿಕೊಂಡು ವಿದೇಶಗಳಲ್ಲಿ ನೆಲೆಸಿ ತಂದೆತಾಯಿಗಳನ್ನು ವೃದ್ಧಾಶ್ರಮಗಳಿಗೆ ಸೇರಿಸಲಾಗುತ್ತಿದೆ. ಈ ಸಾಮಾಜಿಕ ಸಮಸ್ಯೆಗೆ ಸೂಕ್ತ ಪರಿಹಾರ ಕಂಡುಕೊಳ್ಳುಮದು ಹೇಗೆ ಎಂಬ ಪ್ರಶ್ನೆ ಸಾರ್ವಜನಿಕ ವಲಯದಲ್ಲಿ ತೀವ್ರ ಚರ್ಚೆ ಹುಟ್ಟುಹಾಕಿದೆ ಎಂದು ವಿಜಯೇಂದ್ರ ಹೇಳಿದರು.

ವೇದಿಕೆಯಲ್ಲಿ ನಗರ ಶಾಸಕ ಜಿ.ಬಿ.ಜ್ಯೋತಿಗಣೇಶ್​, ಬೆಂಗಳೂರು ವಿವಿ ವಿಶ್ರಾಂತ ಕುಲಪತಿ ಡಾ.ಕೆ.ಆರ್​.ವೇಣುಗೋಪಾಲ್​, ಮದನ್​ ಪದಾಕಿ, ಅಭಿವೃದ್ಧಿ ಚಿಂತನ ಸಮಾವೇಶದ ಸಂಯೋಜಕರಾದ ಉದ್ಯಮಿ ಹುಬ್ಬಳ್ಳಿಯ ಡಾ.ವಿ.ಎಸ್​.ವಿ.ಪ್ರಸಾದ್​, ತುಮಕೂರಿನ ಜಿ.ಆರ್​.ಸುರೇಶ್​ ಉಪಸ್ಥಿತರಿದ್ದರು.